28.08.2018 / 16:22

Памятаеце беларуса, які прайграў мільён даляраў у покер? Дык ён пасля гэтага выйграў сем мільёнаў! 14

Пра 26-гадовага ўраджэнца Мазыра Мікіту Бадзякоўскага мы пісалі ў ліпені. Тады беларус унёс мільён даляраў, каб паўдзельнічаць у турніры ў Лас-Вегасе, але ў выніку не выйграў нічога.

Пасля гэтага Бадзякоўскі паспеў паўдзельнічаць яшчэ ў двух турнірах, якія прынеслі яму трыумфальныя вынікі. Спачатку беларус стаў пераможцам прэстыжнага Triton Super High Roller, які праходзіў у Паўднёвай Карэі. Там унёсак за ўдзел складаў 250 тысяч даляраў.

Выйгрыш беларуса склаў 5,2 мільёнаў даляраў. А літаральна ўчора наш суайчыннік стаў пераможцам покернага турніра ў Барселоне, які прынёс яму 1,6 мільёна прызавых.

Бадзякоўскі ўваходзіць у топ-30 найлепшых гульцоў у покер у свеце. А ягоныя выйгрышы складаюць каля 20 мільёнаў даляраў. Свой першы мільён на гульнях Бадзякоўскі зарабіў у васямнаццаць гадоў. Раней хлопец таксама захапляўся шахматамі.

ЗП

3
Казік / Адказаць
28.08.2018 / 16:40
Не раскрытая тэма падаткаў/замежных рахункаў
1
Смешна у роце / Адказаць
28.08.2018 / 16:54
Respect!!!
1
Pan / Адказаць
28.08.2018 / 16:57
Малайца!
Паказаць усе каментары/ 14 /
Каб пакінуць каментар, калі ласка, актывуйце JavaScript у наладах свайго браўзеру