kremlin.ru
Пуцін прапанаваў скарэктаваць параметры пенсійнай рэформы, якая прадугледжвае павышэнне пенсійнага ўзросту ў Расіі. Па словах прэзідэнта краіны, выхад жанчын на пенсію павінен быць магчымы не ў 63 гады (як прадугледжваў першапачатковы праект), а ў 60 гадоў.
«У нашай краіне стаўленне да жанчын асаблівае, беражлівае. Мы разумеем, што яны не толькі працуюць па асноўным месцы працы, на іх, як правіла, увесь дом, клопат пра сям'ю, выхаванне дзяцей, клопаты пра ўнукаў. Пенсійны ўзрост для жанчын не павінен павышацца больш, чым для мужчын. Таму лічу неабходным паменшыць прапанаваны законапраектам пенсійны ўзрост для жанчын з 8 да 5 гадоў», - паведаміў Пуцін.
Таксама прэзідэнт РФ прапанаваў тым, каму трэба было выходзіць на пенсію па старым заканадаўстве, у найбліжэйшыя два гады, усталяваць адмысловую льготу — права аформіць пенсію на шэсць месяцаў раней новага пенсійнага ўзросту. «Для прыкладу, чалавек, які па новым пенсійным ўзросце павінен будзе сыходзіць на пенсію ў студзені 2020 года, зможа зрабіць гэта ўжо ў ліпені 2019 года. Гэта значыць на паўтара, на 6 месяцаў раней », - дадаў Пуцін.
