29.08.2018 / 15:48

YouTube запускае функцыю падліку часу, выдаткаванага на прагляд відэа

Карыстальнікі будуць бачыць у сваім профілі, колькі часу яны патрацілі на прагляд відэа ў той ці іншы дзень або за апошні тыдзень.

YouTube працягвае прыдумляць новыя функцыі, якія даюць карыстальнікам выразны агляд іх звычак. Цяпер яны змогуць даведацца, колькі гадзін патрацілі на прагляд відэа.

«Наша мэта — лепш вывучыць час, выдаткаваны на YouTube, каб вы маглі прымаць абгрунтаваныя рашэнні аб тым, як вы хочаце ўпісваць YouTube у ваша жыццё», — адзначаюць прадстаўнікі кампаніі.

У абноўленым профілі функцыя Time Watched раскажа, колькі часу на прагляд відэа вы патрацілі сёння, учора і за апошнія 7 дзён. Па словах кампаніі, гэтая інфармацыя разлічваецца на аснове вашай гісторыі праглядаў YouTube. Гэта азначае, што калі вы выдалілі відэа са сваёй гісторыі ці перагледзелі ў рэжыме інкогніта, гэты час не будзе ўлічвацца.

Нагадаем, раней платформа ўжо анансавала функцыю, якая прапануе карыстальнікам адарвацца ад відэа і зрабіць перапынак.

Каб пакінуць каментар, калі ласка, актывуйце JavaScript у наладах свайго браўзеру