01.09.2018 / 08:59

У Кітаі збіраюцца вызваліць ад падаходнага заробкі да 700 долараў, сярэдняя зарплата дасягнула $900 20

Улады КНР вырашылі даць людзям магчымасць больш зарабіць, каб тыя маглі больш патраціць.

Улады КНР збіраюцца падняць неабкладаны падаходным падаткам мінімум з 3,500 юаняў на месяц (каля 512 долараў) да 5,000 юаняў (больш за 700 долараў), піша China Daily.

Гэта робіцца для таго, каб даць людзям магчымасць пакінуць сабе больш грошай на асабістыя траты — што дапаможа ажывіць спажывецкі рынак і падштурхне рост эканомікі. 

Кітай традыцыйна лічыўся краінай таннай працоўнай сілы, але гэтыя часы сыходзяць у мінулае. Сярэднямесячны заробак у Кітаі ўжо перавышае 900 долараў — лічы, у два разы больш за тое, колькі мае сярэднестатыстычны беларус.

Ужо цяпер у Кітаі вызваленыя ад падаходнага заробкі так званага ўзроўню «папіццот» таго самага, якога мы ўсё аніяк не можам дасягнуць.

Што праўда, у Беларусі прыватныя асобы — незалежна ад таго, хто колькі зарабіў — плацяць 13% падаходнага падатку (а айцішнікі з ПВТ дык увогуле толькі 9%). У Кітаі шкала прагрэсіўная — чым больш зарабляеш, тым большы падатак.

Стаўка падаходнага падатку ў Кітаі даходзіць ажно да 45% на заробкі, большыя за 11 тысяч долараў у эквіваленце.

Але і гэта, магчыма, хутка зменіцца. Кітайскія эксперты мяркуюць, што сапраўдныя багацеі — гэта тыя, хто атрымлівае прыбытак не ў выглядзе заробку, а як даходы ад інвестыцыяў ці продажу актываў. Таму, магчыма, замест высокіх падаткаў на вялікія заробкі варта лепей падняць падаткі на маёмасць. 

Дарэчы, згодна China Daily, ад студзеня па ліпень жыхары краіны заплацілі больш за 136 мільярдаў долараў падаходнага падатку (калі перавесці з юаняў). Гэта ў 113 разоў больш за тое, колькі падаходнага падаткавікі сабралі за той жа час з жыхароў нашай краіны.

Удакладненне

У пачатковым варыянце артыкула прапанаваная сума неабкладанага заробку памылкова называлася як 7000 юаняў. На самой справе гэта 5000 юаняў.

Руслан Гаёк, фота Wikipedia Commons

0
Антось / Адказаць
01.09.2018 / 09:04
Рэд. Дзякуй, выправілі.
3
Прост / Адказаць
01.09.2018 / 09:10
Вот с кого надо брать пример Особенно в том что надо расстреливать по желанию народа коррумпированных чиновников Там постоянно это делают и коррупция среди чиновников не в пример нашей на много ниже По налогам они тоже на верном пути , а мы тут дурь придумали с тунеядством
2
ўантуфры / Адказаць
01.09.2018 / 09:15
Ўсё проста тлумачыцца. У Кітаі, хоць і камуністы, але кітайская улада. А у нас - ну вы зразумелі, слухайце Пазняка. Таму пакуль у нас калонія, ніякага развіцця метраполія не дапусціць пры наяўнасці усіх умоў - грошай, калію, палажэння, адмыслоўцаў. Каб пачаць развівацца, трэба беларуская улада. А дагэтуль мы будзем слухаць бясконцыя крыкі пра па500. Пакуль наш АМАП едзіць з расейскім трыкалорам у машыне, будзе тое, што е.
Паказаць усе каментары/ 20 /
Каб пакінуць каментар, калі ласка, актывуйце JavaScript у наладах свайго браўзеру