30.08.2018 / 12:22

Бізнэсмен Ізраілевіч гатовы адклікаць пазоў да «Новага часу», але пры адной умове 42

Бізнэсовец Аркадзь Ізраілевіч судзіцца з выданнем «Новы час», якое выпусціла шэраг матэрыялаў пра яго датычнасць да скандальнага рэстарана «Паедзем паядзім». Ён хоча спагнаць з газеты 40 тысяч рублёў за «маральныя пакуты, пагаршэнне стану і шкоду рэпутацыі». 

Аркадзь Ізраілевіч.

Першае судовае паседжанне, праўда, ні да чаго не прывяло — сам Ізраілевіч на яго не прыйшоў, а суд пастанавіў «удакладніць патрабаванні да газеты».

Як заявіў сам Ізраілевіч у каментарыі «Нашай Ніве», ён перагледзеў сітуацыю і гатовы адклікаць пазоў. 

«Мяне не цікавяць тыя грошы, я не хачу забіраць іх у незалежнай прэсы. Я ўвогуле паважаю незалежную прэсу — заўсёды павінен быць адлюстраваны іншы погляд. Я таксама звярну ўвагу, што пра Курапаты я ніводнага кепскага слова не сказаў, я толькі назваў швондзерамі тых, хто кідаецца пад машыны і лаецца пры дзецях. Я таксама выбачыўся перад Анісім [дэпутатку Алену Анісім ён палічыў гаспадаром газеты «Новы час» — Рэд.].

А што да газеты… Ну вось Івашын [журналіст Дзяніс Івашын — аўтар цыкла расследаванняў пра рэстаран у Курапатах — Рэд.]— ён бачыць, што я катэгарычна не згодны з яго першай публікацыяй, а потым не каб пазваніць мне! Выпускае яшчэ чатыры і ў судзе абяцае пятую! Гэта нармальна? Калі б ён са мной пагаварыў, то я б дакументамі разбіў яго сцверджанні.

Таму я прапаную наступнае: разабрацца да 10 верасня з юрыстамі. Вось сядаю я са сваім і газета са сваім, давайце яшчэ побач пасадзім пару журналістаў: «Нашу Ніву», «Тутбай», «Свабоду». І па кожным пункце праверым.

Калі там напісана праўда, то я ў гэтым публічна прызнаюся, калі не, то маё патрабаванне простае: «Новы Час» напіша, што іх журналіст Івашын надрукаваў неправераную інфармацыю, вось і ўсё». 

АЯ

1
777 / Адказаць
30.08.2018 / 12:28
Як заспяваў. Няўжо зразумеў, што формула: бізнесмен - супраць незалежнай прэсы паставіць крыж на яго і так ужо моцна падмочанай рэпутацыі? Ну так на захадзе наўрад ці зразумеюць такога "партнера". Пра гонар маўчу
3
I'm sorry, Dave. I'm afraid I can't do that / Адказаць
30.08.2018 / 12:31
Калі б былі дакументы, прынёс бы ў суд. А няма, значыць няма. Івашын мае рацыю.
3
Алесь Пекар / Адказаць
30.08.2018 / 12:35
Нармальны падыход. Каб так зрабіў з пачатку. А так бегаў, брахаў, учора "пакусаў" Урбановіча. А зараз зрабіўся цывілізаваным?
Паказаць усе каментары/ 42 /
Каб пакінуць каментар, калі ласка, актывуйце JavaScript у наладах свайго браўзеру