Канфлікт у дзіцячым садку Лагойска скончыўся выклікам міліцыі і хуткай. Супрацоўнікі адмовіліся вяртаць дзіця відавочна п'янай маме, тая кінулася з кулакамі. У выніку, па словах відавочцаў, загадчыцу ўстановы выносілі на насілках, піша Tut.by.
Інцыдэнт адбыўся ўвечары 27 жніўня, калі бацькі прыйшлі забіраць дзяцей з садка. Мама аднаго з дзяцей была п'яная.
«Выхавацелькі адмовіліся аддаваць дзіця маці ў такім стане, сказалі, што не маюць права. А ўжо ў кабінеце пачалася бойка, жанчына разбіла [загадчыцы] нос і галаву. Загадчыца да гэтага часу на бальнічным», — распавяла мясцовая жыхарка.
Па словах відавочцаў, супрацоўніцу выносілі на насілках. На месца прыязджала міліцыя, маці павезлі ў кайданках у пастарунак. У дзіцячым садзе не хочуць размаўляць пра выпадак, нават пра стан свайго кіраўніка.
У прэс-службе міліцыі Мінскай вобласці пацвердзілі інфармацыю. Выклік у сад паступіў пасля спрацоўвання кнопкі ахоўнай сігналізацыі.
«З сабраных матэрыялаў праверкі вынікае, што работнікі дзіцячай установы адмовіліся аддаваць дзіця маме, якая прыйшла па яго з бачнымі прыкметамі алкагольнага ап'янення. Узнікла канфліктная сітуацыя, падчас якой нецвярозая жанчына ўжыла гвалт да супрацоўніц дзіцячага сада і пашкодзіла іх маёмасць. У выніку адной з супрацоўніц установы аказана медыцынская дапамога, агрэсіўная мама затрыманая», — распавёў начальнік Лагойскага РАУС Мілашэўскі.
Па выніках праверкі супрацоўнікі міліцыі бачаць у дзеяньнях 31-гадовай мамы прыкметы хуліганства. Матэрыялы праверкі перададзеныя з раённы аддзел Следчага камітэта, ужо там дадуць прававую ацэнку дзеянням і вырашаць: заводзіць справу ці не.
Як атрымалася высветліць TUT.BY, жанчына гадуе траіх дзяцей. Паводле неафіцыйнай інфармацыі, у сям'і — статус сацыяльна небяспечнага становішча. Пасля апісаных падзей дзеці знаходзяцца пад наглядам бабулі.
Цяпер чытаюць
Спявачку Мэрыем Герасіменка на працягу двух гадоў збіваў муж40
Каментары