31.08.2018 / 14:17

У Беларусі з'явілася чацвёртая жанчына на чале райвыканкама. Алена Алексіна — хто яна?  14

Аляксандр Лукашэнка ўзгадніў новых кіраўнікоў райвыканкамаў і прадпрыемстваў. Адным з новых назначэнцаў стала Алена Алексіна, якая стала старшынёй Гомельскага райвыканкама. Раней яна ўзначальвала Буда-Кашалёўскі раённы савет дэпутатаў.

Алена Алексіна.

Ад вясны і да гэтага часу галоўнае месца выканаўчай улады ў раёне пуставала: з афіцыйнага сайта райвыканкама знікла інфармацыя пра Аляксандра Сітніцу, які і быў апошнім старшынёй з 2009 года. Пазней стала вядома, што яго затрымалі і адправілі ў СІЗА за хабары.

Апошнім часам Алена Алексіна была старшынёй Буда-Кашалёўскага райсавета дэпутатаў. 

Паходзіць яна з гэтага ж раёна: нарадзілася 16 мая 1966 года ў пасёлку Бярэзіна. Бацькоў жанчыны ўжо няма ў жывых. Вучылася спачатку ў Бушаўскай сярэдняй школе (гэта за 3-4 кіламетры ад яе роднага пасёлка), пасля — на інжынера-будаўніка ў Беларускім інстытуце інжынераў чыгуначнага транспарту, але працаваць пайшла па профілі сваёй другой адукацыі — Алена мае дыплом менеджара сацыяльнай сферы, выдадзены ў Акадэміі кіравання.

Алексіна — гэта яе прозвішча па мужу, ад нараджэння ж яна была Ткачовай. Алена Іванаўна мае дарослую дачку Вольгу, якая працуе вясельным фатографам.

Дачка Алены Вольга.

Жанчына 29 гадоў адпрацавала ў Буда-Кашалёўскім раёне: спачатку спецыялісткай упраўлення па працы і занятасці, потым — яго начальніцай, пасля падалася ў мясцовыя дэпутаты. Станавілася дэпутаткай Буда-Кашалёўскага райсавета апошнія тры скліканні.

Калегі адклікаюцца пра яе як «кіраўніцу з вялікай літары і чалавека слова, які даводзіць любую справу да канца». Сама ж новая кіраўніца раёна адмаўляецца ад каментароў, сціпла кажучы, што «рада навіне».

Цікава, што Алексіна стане чацвёртай у Беларусі жанчынай з ліку тых, што ўзначальваюць райвыканкамы. Акрамя яе, такія пасады займаюць Вольга Мохарава (Добрушскі раён), Алена Паўлечка (Мазырскі раён) і Вераніка Байкова (Лоеўскі раён). Цікава, што ўсе яны працуюць на Гомельшчыне.

КК

2
калгасьник-трасяншчык / Адказаць
31.08.2018 / 15:40
" начальником управления по труду и занятости" . МИНУС . Значит тянула за "декрет о тунеядстве" .
1
МатрУна / Адказаць
31.08.2018 / 16:13
кольки ты ужо , Наша нива , расказвала нам пра разумных , працавитых , адэкватных , чэсных .... а толку няма и не будзе . Бо мяняць трэба сами ведаеце каго . А новыя назначэнцы мараюць сябе тым , што  будуць служыць  рэжыму . Новы час их забракуе , бо  на их будзе  цень ад нядобрага .
6
Бенедзікт / Адказаць
31.08.2018 / 16:34
Гэта добра, што жанчына. 

Пажадана было б яшчэ даведацца, чым выніковасьць жанчын вышэйшая, чым у мужчын, пры ўладзе Лукашенкі.
Паказаць усе каментары/ 14 /
Каб пакінуць каментар, калі ласка, актывуйце JavaScript у наладах свайго браўзеру