03.09.2018 / 12:19

Першая настаўніца распавяла, якім быў Лукашэнка ў школе 3

Фота president.gov.by

«Быў моцны, статны, чорнавалосы. Валасы былі густыя-густыя», — вось як успамінала Сашу-школьніка 1 верасня ў Александрыі класная кіраўніца Аляксандра Лукашэнкі Вольга Чуяшкова. Якім кіраўнік краіны быў у школьныя гады, яна распавяла ў інтэрв'ю праграме «Контуры» тэлеканала АНТ.

Вольга Чуяшкова свой першы клас — 9 «А» — узяла адразу пасля інстытута: розніца паміж настаўніцай і вучнямі была невялікай — каля 10 гадоў. Такіх дзяцей, кажа сёння жанчына, у яе больш не было: «Гэта былі вельмі актыўныя вучні, а ён [Аляксандр Лукашэнка] ўжо тады быў лідарам і завадатарам». Педагог добра памятае выпускны таго самага 9 «А»: яе на першы вальс запрасіў менавіта Лукашэнка. «Ён добра вальсаваў… Быў моцны, статны, чорнавалосы. Валасы былі густыя-густыя», — кажа сёння Вольга Чуяшкова.

Паводле яе слоў, Саша Лукашэнка вучыўся добра — практычна без троек. Удзельнічаў у школьных канцэртах, прычым на баяне граў без нот — падбіраў на слых. Больш за ўсё, па словах педагога, будучы прэзідэнт любіў гуляць у хакей, крыху менш — у футбол, бо гэты від спорту летні, «а летам у вёсцы і так было шмат працы». 

«Запомнілася мне такая гісторыя. Неяк у размове перад Новым годам — Саша ў мяне, дарэчы, заўсёды быў Дзедам Марозам — я сядзела шыла касцюм і кажу: «Ну вось, сама засталася без ялінкі». І ўвечары грукат у акно. Ужо цёмна — што такое? Адкрываю дзверы — ялінка стаіць, велізарная, пухнатая, а з-за яе вызірае Саша. Ён вельмі мужны, добрасардэчны і, калі меркаваць па той літаратуры, па тых вершах, якія ён пісаў, ён вельмі любіць сваю Радзіму. Яго любімая песня была «Мой адрас ні дом і не вуліца, мой адрас Савецкі Саюз», — успамінае педагог. 

Вольга Чуяшкова дагэтуль памятае характарыстыку, якую яна дала Лукашэнкі для паступлення ў ВНУ: «Здольны, актыўны, захапляецца гісторыяй, ведае нямецкую мову, добры спартсмен».

0
EQR / Адказаць
03.09.2018 / 12:23
Паводле яе слоў, Саша Лукашэнка вучыўся добра - практычна без троек,

гэта так раней называлась "добра"
0
Карл Люкевіч / Адказаць
03.09.2018 / 12:30
Давным-давно, когда Ленин был еще совсем маленьким и был он вовсе не Лениным, а просто Володей Ульяновым, он был очень серьезным мальчиком. Он рано научился читать и вместо того, чтобы играть в салки или стрелять из рогатки по воробьям, читал полезные книжки. Возьмет, бывало, "Капитал" Маркса и читает его до позднего вечера.   И вот однажды говорит ему мать:   - Что это ты, Володенька, все читаешь да читаешь. Давай-ка сходим с тобой на елку. Там будет весело, там тебе понравится.   - Пойдем, пойдем! - запросили его младшие и старшие сестренки и братики.   Володе было жаль тратить время на пустые развлечения, но еще жальче ему было единоутробных братьев своих и сестер, и он согласился.   Пришли они к предводителю дворянства и стали развлекаться. Взрослые начали пить шампанское, а дети - играть в жмурки и водить хороводы вокруг елки.   А Володя забрался на самую макушку и говорит:   - Ах, мамочка, и вправду хорошо на елке! Много отсюда видно разных безобразиев, творимых империалистами.
0
гыгыгы. / Адказаць
03.09.2018 / 13:29
Да, добры быу хлопец.
И дзе ж яго потым так "прыплюснула"?
Каб пакінуць каментар, калі ласка, актывуйце JavaScript у наладах свайго браўзеру