03.09.2018 / 15:54

Румас і Мядзведзеў абмеркавалі гандлёва-эканамічнае супрацоўніцтва 3

У панядзелак прэм'ер-міністры Расіі і Беларусі Дзмітрый Мядзведзеў і Сяргей Румас абмеркавалі па тэлефоне актуальныя пытанні гандлёва-эканамічнага супрацоўніцтва, узаемадзеяння ў рамках Саюзнай дзяржавы і Еўразійскага эканамічнага саюза, паведаміла прэс-служба ўрада Расіі.

Акрамя таго, Румас і Мядзведзеў абмеркавалі графік будучых расійска-беларускіх кантактаў.

Як нядаўна распавядаў кіраўнік Беларусі, ён дамовіўся з Уладзімірам Пуціным у Сочы, «што літаральна ў найбліжэйшыя некалькі дзён мы знойдзем магчымасць … і сустрэнемся ў шырокім фармаце, і гэта была яго прапанова — Уладзіміра Уладзіміравіча Пуціна, — пашыраным за кошт прадстаўнікоў нашых урадаў».

Папярэдняй датай такой сустрэчы кіраўнікамі дзяржаў пазначана 21 верасня.

Сяргей Румас таксама падзякаваў Дзмітрыю Мядзведзеву за віншаванні, перададзеныя ў сувязі з прызначэннем на пасаду прэм'ер-міністра Беларусі.

Паводле звестак Белстата, у першым паўгоддзі 2018 года экспарт тавараў у Расію склаў 6,4 мільярдаў даляраў, павялічыўшыся на 4,8%, імпарт - 11,1 млрд даляраў (+ 24,4%). Сальда склалася адмоўнае 4,7 млрд даляраў (у мінулым годзе - 2,8 млрд даляраў). Вартасныя аб'ёмы экспарту ў Расійскую Федэрацыю павялічыліся па ўсіх групах тавараў, за выключэннем энергетычных і харчовых.

0
дзе грошы, Расея? / Адказаць
03.09.2018 / 17:44
Характэрна: леў у сафары зацікавіў больш чытачоў, чым гэтая навіна
0
Самотны вандроўнік / Адказаць
03.09.2018 / 20:57
Усё і так зразумела

0
BabaZina / Адказаць
03.09.2018 / 21:24
Ну что, надо показывать, что резко взялся за дело. Для того же и назначили перед "предвыборныой компанией".
Каб пакінуць каментар, калі ласка, актывуйце JavaScript у наладах свайго браўзеру