03.09.2018 / 19:52

Парашэнка прыпыняе дзеянне дамовы пра сяброўства і супрацу з Расіяй 12

Прэзідэнт Украіны Пятро Парашэнка заявіў, што Дамова аб сяброўстве, супрацоўніцтве і партнёрстве з Расіяй не разрываецца, а прыпыняе дзеянне праз яе непрацягненне.

Пра гэта Парашэнка паведаміў падчас сустрэчы з лідарамі фракцый Вярхоўнай Рады ў Адміністрацыі прэзідэнта.

«Падкрэсліваю, што яна (дамова - УП) не разрываецца, паколькі гэта складаная і доўгая працэдура, а яна спыняе сваё дзеянне ў сувязі з непрацягненнем», - сказаў Парашэнка.

Паінфармаваць расійскі бок пра гэта Парашэнка плануе да 30 верасня.

Як паведамлялася, Парашэнка падчас нарады з кіраўнікамі замежных дыпламатычных устаноў Украіны заявіў, што даручыў МЗС Украіны рыхтавацца да разрыву базавай дамовы пра сяброўства з РФ.

Дамова была падпісаная ў 1997 тэрмінам на 10 гадоў. Яна ўступіла ў сілу 1 красавіка 1999 года. Дзеянне дамовы аўтаматычна працягваецца на наступныя дзесяцiгадовыя перыяды, калi нiводзiн з бакоў не заявіць аб жаданнi спынiць яе дзеянне не менш чым за шэсць месяцаў да заканчэння чарговага перыяду.

4
Ken / Адказаць
03.09.2018 / 20:21
бегла прачытаваў і падалося лука"...шэнка прыпыняе дзеянне дамовы пра сяброўства і супрацу з Расіяй".. ))) а там Пара..... і казка скончылпсь ((




7
М. / Адказаць
03.09.2018 / 20:23
Якое сяброўства? З кім сябраваць? Пу ўсё перакрэсліў на дзесяцігоддзі.
10
Мікола))) / Адказаць
03.09.2018 / 20:37
Падкрэсліваю, што яна (дамова - УП) не разрываецца, паколькі гэта складаная і доўгая працэдура, 

Можа разрываць ня трэба, а прыпыніць, бо там пазначаны межы Ўкраіны і Расеі.

А вось Пеця мог бы пытаньні Томасу і дамову з Масквой не перад самымі выбарамі ставіць
Паказаць усе каментары/ 12 /
Каб пакінуць каментар, калі ласка, актывуйце JavaScript у наладах свайго браўзеру