04.09.2018 / 09:46

У Расіі кожны 50-ы кандыдат у дэпутаты паведаміў пра судзімасць — усяго 1 200 чалавек 15

Амаль 1,2 тысячы чалавек з 52,2 тыс. кандыдатаў у дэпутаты ў рэгіёнах Расіі пры рэгістрацыі на выбары паведамілі пра сваю судзімасць, у тым ліку знятую і пагашаную. Пра гэта піша РБК, прааналізаваўшы звесткі ГАС «Выбары».

Сярод прадстаўнікоў «Адзінай Расіі» аб судзімасці заявілі 1,5% кандыдатаў (каля 400 чалавек). Больш за ўсё судзімасцяў у самавылучэнцаў — каля 4,6% (прыкладна кожны 20-ы). Сярод кандыдатаў ад КПРФ і «Яблыка» судзімасць ёсць у кожнага 30-га.

Часцей за ўсё кандыдаты паведамляюць, што іх судзілі за крадзяжы (21,7% ад усіх кандыдатаў з судзімасцю), пабоі і наўмыснае прычыненне шкоды здароўю (9,6%), хуліганства (8,7%), парушэнне ПДР (7,3% ) і махлярства (6,2%).

Пяцёра кандыдатаў паведамілі, што іх судзілі за падробку выбарчых дакументаў, прычым дваіх з іх дапусцілі да гэтых выбараў. Сярод рэдкіх злачынстваў таксама ёсць захоп закладніка — кандыдата з такой судзімасцю зарэгістравалі ў Ульянаўскай вобласці.

0
LMI / Адказаць
04.09.2018 / 10:01
Не дзіва. Там сядзелец не ізгой,а герой
0
Пацыфіст / Адказаць
04.09.2018 / 10:50
  Вельмі цікавая інфармацыя: Крадзяжы (21,7% ад усіх кандыдатаў з судзімасцю), махлярства (6,2%), пяцёра кандыдатаў паведамілі, што іх судзілі за падробку выбарчых дакументаў, прычым дваіх з іх дапусцілі да гэтых выбараў. Сярод рэдкіх злачынстваў таксама ёсць захоп закладніка — кандыдата з такой судзімасцю зарэгістравалі ў Ульянаўскай вобласці. Прачытаў, пасмяяўся, а пасля задумаўся - гэтыя ж людзі збіраюцца выводзіць Расію ў цывілізаваны свет?! Тут ужо не да смеху.

0
Котіс / Адказаць
04.09.2018 / 10:50
Пры такім разгуле крыміналу нават малаватая лічба.
Паказаць усе каментары/ 15 /
Каб пакінуць каментар, калі ласка, актывуйце JavaScript у наладах свайго браўзеру