04.09.2018 / 16:40

Расія ў шоку: першая пастанова Румаса выйшла па-беларуску. Што гэта значыць? 54

Расійскі тэлеграм-канал «Незыгарь», які апошнім часам стаў шмат увагі надаваць беларускай тэматыцы, чарговы раз сеў у лужыну.

Сяргей Румас. Фота mogilev.online.

Пад крытыку на гэты раз трапіў прэм’ер-міністр Беларусі Сяргей Румас, якога абвінавачваюць у тым, што пад крылом Беларускай федэрацыі футбола ён стварае «баявыя атрады, гатовыя змагацца з расійскай агрэсіяй».

«Прэм’ер Беларусі Румас чысціць беларускі Кабмін [у Беларусі няма Кабміна, а ёсць Саўмін — «НН»] ад рускай мовы. Першая пастанова прэм’ера Беларусі выйшла на беларускай мове. Раней такое адбывалася толькі ў выпадку з указамі неяк звязанымі з нацыянальнай культурай. У Беларусі мову выкарыстоўваюць максімум некалькі тысяч нацыяналістаў, большасць з якіх атрымліваюць гранты і кантактуюць з амерыканскім, брытанскім, польскім, чэшскім і іншымі пасольствамі», — напісаў «Нязыгар».

Прэс-сакратар Сяргея Румаса Уладзіслаў Сычэвіч пацвердзіў, што першая пастанова новага прэм’ер-міністра была сапраўды на беларускай мове. «Так, гэта пастанова №611 ад 19 жніўня «Аб вызваленні ад пасад некаторых службовых асобаў», — сказаў Сычэвіч.

Аднак варта адзначыць, што пастановы аб вызваленні з пасад, а таксама аб прызначэннях заўжды публікаваліся па-беларуску. Такая практыка была і за Сідорскім, і за Мясніковічам, і за Кабяковым. «Незыгар» паспрабаваў зрабіць чарговую сенсацыю, але атрымаўся яшчэ адзін фэйк.

Адвольны скрыншот з сайта pravo.by.

Зміцер Панкавец

3
Хром / Адказаць
04.09.2018 / 16:52
А чаму у Беларусі не маюць права выдаваць пастановы па беларуску??
2
Ytu / Адказаць
04.09.2018 / 16:58
Гэты Дурыгар хутка захлынецца ўласнай жоўцю, а мы шкадаваць ня будзем))
6
Zhvir / Адказаць
04.09.2018 / 16:58

https://nn.by/?c=ar&i=215430
«Незыгар» паспрабаваў зрабіць чарговую сенсацыю, але атрымаўся яшчэ адзін фэйк.
https://nn.by/?c=ar&i=215430
Zrabicie spravazdacu tamu "Niezyharu", mol tak i tak, karystannie bielaruskaj movaj u Bielarusi -  heta fejk !!! Apraudajciesia, sto nicoha padobnaha, my jesc i ostajomsia ruskojazycnymi, i niama caho narod duryc` roznymi fejkami. Nia treba pakidac` takija krajeuholnyje recy biez adkazu...A to i v samom delie podumajut, cto bielarusy sosli s uma...
Паказаць усе каментары/ 54 /
Каб пакінуць каментар, калі ласка, актывуйце JavaScript у наладах свайго браўзеру