04.09.2018 / 21:39

Лукашэнка падпісаў указ: купіць кінутую хату ці пляц стане прасцей 19

Новыя меры для вырашэння праблемы кінутых і старых дамоў прыняты ў Беларусі. Адпаведны ўказ №357 «Аб пустых і старых дамах» Аляксандр Лукашэнка падпісаў 4 верасня, паведамляе БЕЛТА.

Вёска Вугляны Камянецкага раёна. 

У беларускіх вёсках больш за 30 тыс. дамоў прызнаныя струхнелымі і звыш за 10 тыс. — кінутымі. Ці з'явяцца на гэтых надзелах гаспадары? Вырашэнню гэтага пытання будзе спрыяць новы ўказ.

Цяпер скароцяцца выдаткі пры продажы гэтай нерухомасці, паменшыцца папяровы дакументаабарот, распавялі БЕЛТА ў Дзяржаўным камітэце па маёмасці.

Прамы продаж

Новы ўказ распаўсюджвае сваё дзеянне на ўсю тэрыторыю Беларусі, а не толькі на сельскую мясцовасць, як гэта прадугледжваў папярэдні ўказ №100, які страціў сілу. Прапановы па продажы аб'ектаў будуць публікавацца на сайтах мясцовых выканкамаў.

Калі на працягу 30 дзён заяву на куплю падасць толькі адзін чалавек, з ім будзе заключаны дагавор куплі-продажу. Пры паступленні некалькіх заяў прадугледжана правядзенне аўкцыёну.

Пры гэтым магчымасць прамога продажу ўводзіцца на ўсёй тэрыторыі краіны, за выключэннем абласных цэнтраў і Мінска.

Зямельны надзел у абмен на знос

Упершыню ў грамадзян з'явілася магчымасць атрымаць зямельны надзел, не выкупляючы кінуты або трухлявы дом, на якім ён стаіць. Але гэта пры ўмове самастойнага зносу такога дома альбо фінансавання такіх прац.

Участак можна атрымаць без правядзення аўкцыёну на ўсёй тэрыторыі краіны, за выключэннем абласных цэнтраў. У такіх гарадах ўчасткі могуць быць набыты без аўкцыёну толькі грамадзянамі, якія стаяць на ўліку для паляпшэння жыллёвых умоў, у Мінску — толькі шматдзетнымі сем'ямі, якія стаяць на ўліку.

У якім выпадку дом прызнаецца кінутым або трухлявым

Спецыяльныя камісіі пры мясцовых выканкамах будуць двойчы ў год аглядаць нерухомасць.

Не будуць прызнавацца кінутымі дамы, у якіх асобы, якія маюць права валодання і карыстання імі, пражывалі на працягу апошніх трох гадоў хоць бы адзін дзень. Пустуючыя дамы будуць вызначаць камісіі пры візуальным аглядзе. Будзе таксама правярацца наяўнасць аплаты камунальных плацяжоў, расходу электраэнергіі.

Паводле новага заканадаўства, камісіі будуць працаваць толькі з аварыйнымі і блізкімі да абвальвання дамамі.

Мінімальныя тэрміны аднаўлення або зносу дамоў падаўжаюцца да года. Пры гэтым калі ва ўласніка былі паважлівыя прычыны, якія перашкаджалі аднавіць аварыйны дом, то пра іх можна паведаміць у выканкам, і гэты тэрмін можа быць працягнуты.

Абарона інтарэсаў уласнікаў

У новым указе прапісаны механізм магчымага вяртання ўласніку пустога трухлявага жылога дома, ужо перададзенага ў камунальную ўласнасць, або выплаты грошай, выручаных ад продажу дома.

nn.by; фота Іна Хоміч, Беларускае Радыё Рацыя

2
Centurion / Адказаць
04.09.2018 / 21:49
Не выратуе. Хіба калі сам скупіць
3
От беларусов, скоро (уже), остануться рожки да ножки и о / Адказаць
04.09.2018 / 22:03
Московская церковь, и не только потирает руки, во многих деревнеях скупают (отжимают) "брошенные" дома, там созданы целые церковные, земельные отделы, работающие в одной упряжке с гор и райсполкомами местных князьков, лет шесть как трудятся не покладая рук, затем перепродают в России...
 Похоже им пошли на встречу.
В принципе согласен, деньги не пахнут и липнут к волосатым рукам.
11
Serg / Адказаць
04.09.2018 / 22:08
А сколько домов и участников было уничтожено в соответствии с 100 указом. Дома зарыли в землю, а участки превратили в пустырь с уничтоженной плодородной почвой, вся глина на верху. Неужели раньше не могли отменить этот указ и спасти эти земли для деревень. Многие могли бы использовать эти участки для ведения садоводства например или выращивания ягод. В Лоевском районе практически в каждой деревне, которая не является агрогородком по полдеревни закапали и уничтожили участки. А там ведь красивейшая природа: Днепр и Сож. Потенциально привлекательные для туристов и рыбаков, единственное неудобство - это граница с Украиной, но и там власть со временем влюбом случае изменится, а территорию восстановить будет сложно. И так по всей Беларуси. Это ответит за уничтожение деревень варворским способом?
Паказаць усе каментары/ 19 /
Каб пакінуць каментар, калі ласка, актывуйце JavaScript у наладах свайго браўзеру