05.09.2018 / 12:23

Канструктар «Лега» адмовіцца ад пластыку 6

Дацкі вытворца культавых цацак-канструктараў збіраецца перайсці на экалагічную сыравіну.

Сям'я Крыстыянсэн, якая валодае Lego, вырашыла ў будучыні адмовіцца ад вырабу цацак з пластыку

Ужо сёлета ў продаж мусяць паступіць першыя элементы знакамітага канструктару, вырабленыя з поліэтылену на аснове цукровага трыснягу, паведамляе на сваім сайце кампанія. Гэта будуць дэталькі, якія імітуюць дрэўцы, кусты ды лісце.

 

Як сцвярджае кампанія, візуальна ды навобмацак адрозніць дэталькі з арганічнай пластмасы ад звычайных будзе амаль немагчыма.

Lego збіраецца да 2030 года цалкам перайсці на экалагічныя матэрыялы ў канструктарах і ўпакоўцы. Пры гэтым яна будзе адмыслова сачыць, каб цукровы трыснёг для сыравіны вырошчваўся экалагічным спосабам. 

Сям'я Крыстыянсэн заснавала Lego ў 1932 годзе. Дарэчы, назва кампаніі паходзіць ад дацкага выразу leg godt, што значыць «гуляйся добра». З таго часу кампанія ператварылася ў аднаго з найбуйнейшых вытворцаў цацак у свеце з гадавым абаротам, большым за $2 мільярды.

Цікава, што спачатку кампанія вырабляла маленькія цацкі з дрэва, а на пластык перайшла толькі ў 1947 годзе. Цяпер, у нейкім сэнсе, Lego вяртаецца да каранёў.

Руслан Гаёк

2
Мушчына 30 лет / Адказаць
05.09.2018 / 12:56
Что значит органическая пластмасса? Любой пластик - это органическое вещество, только от этого разлагаться быстрее и засорять природу меньше они не стали.
Органические соединения, органические вещества — класс химических соединений, объединяющий почти все химические соединения, в состав которых входит углерод (за исключением карбидов, угольной кислоты, карбонатов, оксидов углерода и цианидов)
Это классе в 9ом вроде проходят, ну.

0
хлопец-беларус / Адказаць
05.09.2018 / 13:02
пластык забруджвае нашу планету! https://chrdk.ru/sci/odnorazovaya-beda
3
Кент8 / Адказаць
05.09.2018 / 13:26
С ихними ценами, можно хоть из птичьего молока брать сырье
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру