У Гродне пачалі ўзводзіць новы жылы мікрараён Грандзічы. Ён будзе пабудаваны на поўначы абласнога цэнтра.
Цэнтр Гродна.
Мяркуецца, што на тэрыторыі 640 гектараў у будучыні змогуць жыць больш за 65 тысяч жыхароў.
Ужо цяпер насельніцтва Гродна перавысіла 370 тысяч чалавек. Гэта пятае месца сярод гарадоў краіны па колькасці жыхароў. Аднак Віцебск і Магілёў зусім блізка — там жывуць адпаведна на 7 і 10 тысяч чалавек больш.
Некалькі гадоў таму ў Гродна пачалося будаўніцтва мікрараёна Альшанка. У ім ужо жыве больш за 30 тысяч чалавек, і гэта лічба мае павялічыцца як мінімум удвая.
З такімі тэмпамі будаўніцтва Гродна неўзабаве выйдзе на трэцяе месца ў краіне пасля Мінска і Гомеля.
0
0
0
0
0
0