06.09.2018 / 08:41

Кіраўніка следчай групы па «справе БЕЛТА» ўзнагародзілі медалём 1

Следчы па асабліва важных справах галоўнага следчага ўпраўлення Следчага камітэта РБ Аляксандр Сяменік, а таксама старшы следчы па асабліва важных справах галоўнага следчага ўпраўлення Следчага камітэта РБ Ігар Макушэнка ўзнагароджаны медалём «За выдатныя заслугі ў ахове грамадскага парадку». Адпаведны ўказ 5 верасня падпісаў Аляксандр Лукашэнка

Аляксандр Сяменік узначальвае сьледчую групу па «справе БЕЛТА». Ігар Макушэнка прымаў удзел у допытах падазраваных па «справе БЕЛТА».

Медалём «За выдатныя заслугі ў ахове грамадскага парадку» ўзнагароджваюцца ў тым ліку і за «ўмелыя, iнiцыятыўныя i смелыя дзеяннi, якiя садзейнiчалi паспяховаму … спыненню злачынных і іншых супрацьзаконных дзеянняў», «умела арганізаваныя і дасканалыя дзеянні па прадухіленні і раскрыццю злачынстваў», а таксама «за актыўны ўдзел i дапамогу органам унутраных спраў i падраздзяленням унутраных войскаў у ахове грамадскага парадку, барацьбе са злачыннасцю і іншымі правапарушэннямі».

Медаль вырабляецца з тампака з серабрэннем.

Аляксандр Сяменік расследаваў многія гучныя злачынствы. Напрыклад — справу беларусаў, якія рабавалі нямецкія банкі. У апошні час Аляксандр Сяменік займаецца расследаваннем злачынстваў у сферы высокіх тэхналогій — справай кардэраў з Магілёва, хакерам з Мінска і іншымі.

У дадзены момант ён узначальвае следчую групу па «справе БЕЛТА».

0
Віктар Малочка / Адказаць
06.09.2018 / 10:00
"Наградили нас....потом,кто жывые - тех медалями,а ,кто мёртвые- крестом....." (У.Высоцкі). "Жывые и мёртвыя"....як па Сіманаву. Хто памятае і чытаў,то раздзяліў іх, разрушаны мост....Беларусаў раздзяліла сумленне,мазгі і грошы. (такія грошы : у цябе пенсія 100 даляраў,а у мяне 80,значыць гэта не правільна) і ,адсутнасьць сумленны...у каго? у унукаў тых,хто абмяркоўвае праблему не правільных пенсій!
Каб пакінуць каментар, калі ласка, актывуйце JavaScript у наладах свайго браўзеру