06.09.2018 / 14:47

Улады адмовілі ў правядзенні маршу салідарнасці з журналістамі  3

Сталічныя ўлады адказалі адмовай на заяўку актывістаў правесці 15 верасня ў Мінску марш салідарнасці з журналістамі. Пра гэта паведаміў у фэйсбуку сустаршыня аргкамітэта па стварэнні партыі «Беларуская хрысціянская дэмакратыя» Віталь Рымашэўскі.

«Заяўка нібыта не адпавядае пераліку дазволеных месцаў для правядзення мерапрыемстваў», - піша Віталь Рымашэўскі.

На яго думку, гэта недарэчная прычына: бо актывісты пазначылі ў заяўцы месцы, на якія раней улады давалі згоду. Так, месцам збору была прапанавана тэрыторыя ля Акадэміі навук (адкуль, напрыклад, штогод стартуе «Чарнобыльскі шлях»), а месцам правядзення мітынгу — плошча Парыжскай Камуны (побач святкавалі Дзень Волі).

27 жніўня ў Мінгарвыканкам была пададзена заяўка на правядзенне акцыі салідарнасці з незалежнымі СМІ і прафсаюзамі. Пад ёй падпісаліся старшыні руху «За Свабоду» Юрась Губарэвіч і Аб'яднанай грамадзянскай партыі Васіль Палякоў, а таксама сустаршыня аргкамітэта па стварэнні партыі «Беларуская хрысціянская дэмакратыя» Віталь Рымашэўскі.

5
шлёма / Адказаць
06.09.2018 / 17:38
А почему журналисты независимых СМИ не солидарны с защитниками Куропат и не стоят в пикетах?
0
Зiма / Адказаць
06.09.2018 / 20:37
Адзiны незалежны смi гэта наша нiва. А хто не умее працаваць няхай соплi жуюць. Вось i усе маршы салiдарнасьцi.
0
Olka / Адказаць
06.09.2018 / 21:52
шлёма, а ты там стоишь, в Куропатах? Если бы не независимые СМИ, то ты про Куропаты и их защитников и не узнал бы никогда.
Каб пакінуць каментар, калі ласка, актывуйце JavaScript у наладах свайго браўзеру