06.09.2018 / 18:28

Коласаўскі тэатр ставіць «Сымона-музыку» 1

Нацыянальны акадэмічны драматычны тэатр імя Якуба Коласа рыхтуе прэм'еру спектакля «Сымон-музыка». Пра гэта паведаміў БелТА, мастацкі кіраўнік тэатра Міхаіл Краснабаеў.

Пастаноўка па аднайменнай паэме народнага пісьменніка Беларусі Якуба Коласа стане знакавай ў новым сезоне. Прэм'ера запланавана ў дзень нараджэння тэатра - 21 лістапада.

Музыку да спектакля піша кампазітар Уладзімір Кур'ян, сцэнаграфію рыхтуе Святлана Макаранка.

Міхаіл Краснабаеў, рэжысёр-пастаноўшчык прэм'еры, адзначыў, што апошні раз «Сымона-музыку» на віцебскай сцэне ставілі больш за 40 гадоў таму. «Цяпер збіраемся па-іншаму паглядзець на узнятыя класікам праблемы, на тое, што адбываецца з намі і нашым светам», - сказаў рэжысёр.

0
3215 / Адказаць
06.09.2018 / 19:20
Добрая навіна!
Каб пакінуць каментар, калі ласка, актывуйце JavaScript у наладах свайго браўзеру