07.09.2018 / 16:59

«Мой сябар жырафа» ўвайшоў у ТОП-5 мінскага кінапраката 4

«Мой сябар жырафа» стаў першым беларускамоўным фільмам у гісторыі, які ўвайшоў у ТОП-5 мінскага кінапраката. Ён працягвае ісці ў Мінску, Брэсце і Віцебску.

Паводле статыстыкі Мінскага кінавідэапраката фільм «Мой сябар жырафа» увайшоў у рэйтынг самых папулярных фільмаў тыдня на 4 месцы — каля 3000 наведнікаў за ўікэнд. Фільм па-беларуску ўвайшоў у ТОП-5 упершыню ў гісторыі Беларусі!

Кампанію яму склалі карціны «Гогаль: страшная помста», «Мэг: монстар глыбіні», «Крышталь» і «Альфа».

Не прапусціце гэты фільм і вы! Ён падабаецца як маленькім дзеткам, так і дарослым. «Мой сябар жырафа» ідзе ўсе выходныя ў кінатэатрах Мінска, Віцебска і Брэста.

З 13 верасня ён стартуе ў кінатэатрах Мінскай вобласці, а з кастрычніка — ў Магілёўскай і Гомельскай вабласцях.

Фільм перакладзены і агучаны па-беларуску ў рамках праекта «Беларускія ўікэнды» кампаніяй «Кінаконг» пры падтрымцы velcom. Фільм пра незвычайнае сяброўства першакласніка Дзікечэ Дапа і жырафы па імені Раф зняты паводле твора нідэрландскай казачніцы Ані Шмідт.

Кожнае дзіця, што наведае сеансы гэтага фільма ў кінатэатрах, атрымае падарунак — казку-маляванку «Мой сябар жырафа ў Беларусі».

Паводле прэс-рэліза

0
Кент8 / Адказаць
07.09.2018 / 17:42
Дзякуй за інфу, сходзім
0
Вожык / Адказаць
07.09.2018 / 18:13
Крута, малайцы! Яшчэ пару год таму пра кіно па-беларуску мы толькі марылі. А тут ужо ў топах праката.
0
Таццяна / Адказаць
07.09.2018 / 18:15
ІДЗЕМ!!!
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру