08.09.2018 / 10:30

Ілан Маск пакурыў марыхуану — і акцыі Tesla рухнулі на 10% 21

У першыя хвіліны работы біржы NASDAQ у пятніцу цана акцый кампаніі Tesla абваліўся больш чым на 10%. Папярэдняя сесія зачыніліся на ўзроўні $ 280,95 за акцыю. На адкрыцці таргоў 7 верасня адна акцыя Tesla каштавала $ 260,32. На мінімуме падзенне склала больш за 10%, акцыі патаннелі на $28, а найменшая зафіксаваная каціроўка была роўная $ 252,39.

Пазней акцыі крыху падраслі.

На такім нізкім узроўні акцыі Tesla апошні раз таргаваліся ў красавіку 2018 года пасля крытычных заўваг ад Нацыянальнага савета па бяспецы транспарту ЗША аб ДТЗ са смяротным вынікам, якое адбылося 23 сакавіка. Тады электрамабіль Model X ехаў у рэжыме аўтапілота і ўрэзаўся ў адбойнік на шашы ў Маунцін-В'ю (Каліфорнія), ад атрыманых траўмаў кіроўца памёр.

Пятніцкі абвал адбыўся пасля скандальнага інтэрв'ю Маска вядучаму камедыйнага інтэрнэт-шоу Джо Рогану. Размова ў прамым эфіры доўжылася больш за дзве гадзіны, падчас яе суразмоўцы пілі віскі. Акрамя таго, вядучы прапанаваў Маску пакурыць сумесь тытуню і марыхуаны. Маск пагадзіўся і сказаў, што паліць марыхуану рэдка, бо яна не аказвае на яго ніякага ўздзеяння.

«Здаецца, я спрабаваў калісьці», — смеючыся, растлумачыў Маск. Вядучы выказаў асцярогу, што той, імаверна, не адважыцца пакурыць самакрутку з-за магчымай рэакцыі акцыянераў. Аднак пасля запэўнівання вядучага, што на тэрыторыі Каліфорніі, дзе здымалася інтэрв'ю, курэнне марыхуаны не з'яўляецца злачынствам, Маск зрабіў некалькі зацяжак. Па яго міміцы было відаць, што і гэтым разам мільярдэр нічога асаблівага не адчуў.

0
да Рэд. / Адказаць
08.09.2018 / 10:41
Паводле мiмiкi
9
Пан Алесь з Жухавіч / Адказаць
08.09.2018 / 11:11
Каб я быў Маскам, то паступіў бы менавіта так. Хай зайздросцяць свабодзе дзеянняў😀.

15
Ната / Адказаць
08.09.2018 / 11:19
Из Теслы ушли основные сотрудники, это и было причиной падения акций вчера. А то что траву покурил конечно же ситуацию ещё и ухудшило.
Паказаць усе каментары/ 21 /
Каб пакінуць каментар, калі ласка, актывуйце JavaScript у наладах свайго браўзеру