08.09.2018 / 12:47

З вальера пад Асіповічамі ўцёк страус ВІДЭА 5

Фота Іван Мураўёў

У Асіповіцкім раёне з вальера ўцёк страус. Здарэнне адбылося ўвечары 6 верасня. Страўса дагэтуль не знайшлі. Экзатычную птушку трымалі на падворку «Птушыны двор» у вёсцы Маісеевічы, піша Еўрарадыё 

Гаспадары «Птушынага двара» некалькі гадоў даглядаюць і лекуюць параненых птушак. Год таму яны набылі страўсаў, каб неяк акупіць утрыманне іншых пацярпелых птушак. 

«На самой справе, гэта не страус, а эму, атрад казуаравыя. Да 1980-х ён таксама лічыўся страўсам, але ёсць адрозненні: наяўнасць мачавога пухіра, колькасць пальцаў на нагах, — распавёў у каментары Еўрарадыё Аляксандр, супрацоўнік «Аховы прыроды». — Гэта нават не птушка, а нашчадак дыназаўраў. Двухногая, без крылаў, шэры корпус, чорная галава. Ён агрэсіўны — калі шугануць, то можа брыкнуць, як конь. Але казуар больш небяспечны — у каня капыт плоскі, а ў эму на пальцах кіпцюры».

Па словах Аляксандра, у перыяд палавога даспявання ў птушак пачаўся гон. Іншыя насельнікі вальера спрабавалі выгнаць гэтага эму. Ён адштурхнуўся ад аднаго з сваіх сапернікаў і пераскочыў праз агароджу вышынёй у яго рост.

Дарэчы, эму развівае хуткасць да 50 кіламетраў у гадзіну. Калі ўбачыце яго — абыходзьце бокам, папярэджвае спецыяліст. Ні ў якім разе не палохайце яго! І адразу ж тэлефануйце ў Асіповіцкі РАУС або ў МНС.

2
⋆Апрель⋆ / Адказаць
08.09.2018 / 15:02
Столько "бесхозного" мяса птицы наш человек не пропустит. Съедят бедолагу, как пить дать, съедят, что не съедят - по банкам и в погреб на зиму.
1
Макроновские крылышки / Адказаць
08.09.2018 / 15:11
Жаль не добежал до Минска так бы выиграл у команды президента )))) а
0
0,5 / Адказаць
08.09.2018 / 15:26
На лыжные соревнования в Минск устремился. Розум аднолькавы.
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру