09.09.2018 / 15:32

У гарадах Расіі зноў пратэстуюць супраць Пуціна і псеўдавыбараў — сотні затрыманых дапоўнена 9

Улады Масквы не ўзгаднілі нядзельную акцыю супраць павышэння пенсійнага ўзросту, удзельнікі якой ўжо сабраліся ў цэнтры горада.

Да правядзення мітынгаў па ўсей краіне 9 верасня заклікаў апазіцыйны палітык Аляксей Навальны. Яго самога 27 жніўня арыштавалі на 30 сутак за акцыю «Страйк выбаршчыкаў», якая адбылася яшчэ ў пачатку 2018 года.

За апошнія дні некалькіх прыхільнікаў Навальнага затрымала маскоўская паліцыя. Іх абвінавацілі ў арганізацыі недазволенага мітынгу. Сам Навальны арыштаваны на 30 сутак за мітынг, які прайшоў яшчэ зімой.

Сёння у Маскве паліцыя затрымала паплечніка Навальнага Мікалая Ляскіна. Супрацоўнікі МУС заявілі, што ўжо два дні «катаюцца» за ім па ўсім горадзе. Таксама затрыманы журналіст канала «Навальный Live» Дзмітрый Нізоўцаў, які вёў рэпартаж пра падрыхтоўку да акцыі з цэнтра Масквы.

Акцыі адбываюцца сёння у Екацярынбургу, Казані, Уфе, Яраслаўлі і іншых гарадах. Паведамляецца таксама пра дзясяткі затрыманых удзельнікаў акцый пратэсту, у тым ліку ў Хабараўску, Томску, Новасібірску і Екацярынбургу. У адных гарадах акцыі былі ўзгодненыя, у іншых — не.

Аццыя ў Пецярбургу.

Пра затрыманні прыхільнікаў Навальнага таксама паведамляюць карэспандэнты Радыё Свабода ў Пскове і Растове-на-Доне.

Акцыя ў Пскове

Паведамлялася, што ў Екацярынбургу затрымалі былога мэра горада Яўгена Ройзмана. Пазней выданне Znak.com ўдакладніла, што ён сам сеў у аўтазак з іншымі затрыманымі. Каардынатара мясцовага штаба Навальнага таксама павезлі ў паліцыю.

У Омску прыхільніца Навальнага распавяла, што паліцэйскія білі яе па нырках пры затрыманні.

У сярэдзіне ліпеня Дзяржаўная дума ўхваліла ў першым чытанні ўрадавы законапраект аб паступовым павышэнні пенсійнага ўзросту да 65 гадоў для мужчын і да 63 гадоў для жанчын. Пенсійная рэформа ўжо выклікала акцыі пратэсту ў дзесятках гарадоў Расіі. Прэзідэнт Уладзімір Пуцін выступіў з прапановай змякчыць пенсійную рэформу пасля масавых пратэстаў у краіне.

На Цвярскую ў Маскве таксама прыйшоў лідар ЛДПР Уладзімір Жырыноўскі, перадае Радыё «Свабода». У выніку адбыўся канфлікт з пратэстоўцамі.

Адзін з пратэстуючых абазваў лідара ЛДПР «г…», у адказ Жырыноўскі ударыў яго па твары. Мужчын разнялі ахоўнікі дэпутата, піша «Камерсант».

5
Илля / Адказаць
09.09.2018 / 15:36
можа пачынаецца там сапраудная руская Вясна
30
Член ЛДПБ / Адказаць
09.09.2018 / 16:28
Это все купленные враги России. Они даже не граждане России.
11
Им перец / Адказаць
09.09.2018 / 17:03
Только не лепите из навального защитника Беларуси, а то я от смеха умру
Паказаць усе каментары/ 9 /
Каб пакінуць каментар, калі ласка, актывуйце JavaScript у наладах свайго браўзеру