10.09.2018 / 17:41

Чарачэнь, Спарыш, Смілевіч… Пабудаваць кар’еру ў апазіцыйных партыях і рухах можна за некалькі месяцаў 11

Недахоп людзей і сродкаў падштурхоўваюць да таго, што новыя людзі вельмі імкліва будуюць кар’еры і прасоўваюцца па іерархічных лесвіцах у апазіцыйных партыях.

Сяргей Чарачэнь. Фота svaboda.org.

33-гадовы Сяргей Чарачэнь, відаць па ўсім, зменіць ля стырна Беларускай сацыял-дэмакратычнай грамады Станіслава Шушкевіча. Гэта бізнэсовец, які раней з’яўляўся сябрам афіцыйнай камуністычнай партыі. Напрыканцы 2017 года Чарачэнь стаў сябрам БСДГ, а ўжо сёлета мае ўзначаліць арганізацыю. Шушкевіч кіраваў партыяй ад 1998 года.

Былы палітвязень і бізнэсовец Сяргей Скрабец таксама амаль імгненна стаў у БСДГ кіраўніком мінскай філіі, а таксама ўзначаліў выбарчы штаб партыі.

Можна ўспомніць, што гэта не першы выпадак, калі ў сацыял-дэмакратычных партыях чалавек звонку так хутка падымаецца на самую вяршыню. У 2005 годзе былы рэктар БДУ Аляксандр Казулін толькі ўступіў ў БСДП і адразу стаў кіраўніком.

Тады ў Казуліна быў фінансавы патэнцыял, яму для ўдзелу ў прэзідэнцкіх выбарах патрэбна была палітычная сіла, якую ён знайшоў у выглядзе сацыял-дэмакратаў. Фактычна гаворка вялася пра куплю партыі. «Партыя двойчы не прадаецца», — казаў пазней былы спікер Вярхоўнага Савета Мечыслаў Грыб.

Не стала тут выключэннем і незарэгістраваная Сацыял-дэмакратычная партыя Мікалая Статкевіча. Генеральным сакратаром партыі стаў 31-гадовы Сяргей Спарыш, які да гэтага прабыў у структуры ўсяго пару месяцаў. Спарыш запомніўся сваімі рэзкімі выказваннямі аб прыхільніках правядзення канцэрту на Дзень Волі.

Паўгода пабыла ў «Моладзі БНФ» Ганна Смілевіч перад тым, як узначаліць арганізацыю. Аднак там быў сапраўды вялікі конкурс. І за Смілевіч галасавалі дэлегаты, а не абіралі на безальтэрнатыўнай аснове.

Былы кіраўнік Партыі зялёных Лёлік Ушкін (Алег Новікаў) кажа, што ў 2007 годзе стаў старшынёй, бо партыя шукала актыўнага чалавека ў Мінску. Гэта было адзіным патрабаваннем. Сам Ушкін уступіў у Партыю зялёных у 2003 годзе.

«Гэта была мёртвая рэгіянальная партыя, якая для таго, каб ажывіць яе, шукала чалавека ў Мінску. Знайшоўся я», — кажа Ушкін. Зялёнымі ён пакіраваў да 2015 года.

Зміцер Панкавец

1
Віктар Малочка / Адказаць
10.09.2018 / 18:04
"Пабудаваць кар’еру ў апазіцыйных партыях і рухах можна за некалькі месяцаў
....! "Так,пабудаваць "кар'еру" там можна і ведаю гэта па сабе,але,калі на самай справе там працаваць і быць (на самай справе) у апазіцыі  да сягодняшніх улад,то трэба забыць аб кар'еры на працы, забыць аб бізнэсе і г.д. Трэба улічваць ,што т.з."партыі і рухі",якія ,неяк,яшчэ існуюць....ну вельмі ж малалікія,а многія і не прыкметныя.  Пагэтаму у партыі і рухі ідуць людзі,якім няма чаго губляць,часам пенсіянеры,а гэтаксама, думаю,маладыя людзі,якія нейкім чынам,  звязаны з сілавымі структурамі! 
2
Русофоб со стажем / Адказаць
10.09.2018 / 18:12
Клоуны. Тот же Шушкевич признался года три назад, что он хорошо относится к коммунистам. Значит, эти назначения не случайны. У меня сохранилась аудиозапись того диалога с Шушкевичем. Оставьте почту-вышлю.
0
Робинсон / Адказаць
10.09.2018 / 18:21
Карьеру? Это вы серьезно? Ахаха!...
Паказаць усе каментары/ 11 /
Каб пакінуць каментар, калі ласка, актывуйце JavaScript у наладах свайго браўзеру