10.09.2018 / 20:59

У Мінску пенсіянерку аштрафавалі на 1225 рублёў, бо «гуляла з плакатам» 16

72-гадовую Ніну Багінскую затрымалі 10 верасьня ў цэнтры Менску з плякатам «Беларусь рэпрэсаваная». Суд Цэнтральнага раёну сталіцы аштрафаваў актывістку на 1225 рублёў (50 базавых велічыняў), піша «Радыё Свабода».

Багінскую судзілі за паўторнае парушэньне парадку арганізацыі ці правядзеньня масавых мерапрыемстваў (ч. 3 арт. 23.34 КаАП).

Ніна Багінская з плякатам «Беларусь рэпрэсаваная», архіўнае фота.

Багінская сказала, што зьбіралася ісьці да будынку Камітэту дзяржаўнай бясьпекі. Актывістка прайшла ад «нулявога кілямэтру» да скрыжаваньня праспэкту Незалежнасьці і вуліцы Энгельса, дзе яе і затрымалі. Багінская кажа, што пратэставала супраць «рэпрэсіяў» за Курапацкую варту, «гуляла з плякатам», выкарыстоўваючы канстытуцыйнае права на пратэст.

Паводле актывісткі, амапаўцы «прычапіліся» да свастыкі на плякаце, маўляў, яна забароненая ў Беларусі.

Паводле слоў Багінскай, пасьля суду плякат ёй не вярнулі. Актывістка кажа, што намалюе іншы і працягне пратэставаць супраць рэстарацыі «Поедим поедим», не зважаючы на штрафы.

Дзяжурны Цэнтральнага РАУС казаў Свабодзе, што ня ведае пра затрыманьне Багінскай.

Затрыманьне Ніны Багінскай, 10 верасьня.

1
Захарова Татьяна Викторовна (Брест ) / Адказаць
10.09.2018 / 21:08
Палачи - Изуверы ! Ей же пару месяцев - есть нечего будет и ещё пару  месяцев - нечем будет за  жильё платить !  Гестаповцы вы - на не слуги Закона !
2
ВЛ / Адказаць
10.09.2018 / 21:35
Беспредел
1
партызан / Адказаць
10.09.2018 / 21:45
Маленькая, старэнькая, худзенькая, а якая магутная духам! Як яна заваліла двух быкаў-амапаўтяў!!! Малайчынка!!! Дый іпрозвішча ад Бога.
Паказаць усе каментары/ 16 /
Каб пакінуць каментар, калі ласка, актывуйце JavaScript у наладах свайго браўзеру