11.09.2018 / 11:47

Стась Карпаў: Для новага пакалення невідавочна, што без тысяч «занудных змагароў» яны б жылі на ўскрайку Петразаводска абмяркоўвайце! 39

Прачытаў тут на кукушачцы інтэрвью з 16-гадовым хлопцам. Ну, такім, ведаеце, энергічным і рухавым. Упэўненым і аптымістычным. Ён там шмат расказвае пра тое, як самаразвіваецца, як харчуецца, як займаецца спортам. І ўрэшце прыходзіць да высновы, што яго пакаленне — «круцей» за нашае, што яно не будзе працаваць «на дзядзю». Ну нешта такое.

Карацей, паколькі мне 35, я, напэўна, магу ўжо нарэшце пачынаць злапыхаць у адказ, да?

Проста хочацца сказаць, што я не ведаю, як там у сацыёлагаў, але ўнутры мяне ёсць некаторая упэўненасць у тым, што каб даваць характарыстыку пакаленню, — трэба убачыць вынікі яго дзейнасці.

У гэтым сэнсе, ад людзей, якія не могуць кіраваць ані краінай, ані, нават, аўтобусам — чагосьці патрабаваць рана. І ў цэлым падазраю, што вялікі працэнт цяперашніх 16-ці гадовых такі пойдзе працаваць у бальніцы, у школы, у вялікія IT кампаніі, у даследчыя інстытуты, у аўтамайстэрні - да «дзядзяў», адным словам. Прынамсі, хацелася б верыць, што не ўсе яны будуць ствараць квіз-пабы «з місіяй» і «культам».

Але пры ўсім пры тым я такі задумаўся, да.

Маё пакаленне — якое яно?

Мы шмат гаварылі пра тое, што папярэднікі — усё пра**алі. 

І менавіта таму яны адрозніваецца ад нас: у іх было тое, што яны выпусцілі з рук. Цяпер ім балюча. А мы не маем такой траўмы.

З іншага боку, я бачу што маё пакаленне мусіць прызнацца ў тым, што ў вялікай ступені надавала абяцанняў, якія не выканала. Што яно ўжо амаль прызнала паражэнне, раз'ехалася, заткнулася, расчаравалася, прагнулася, перабегла.

Яно і па колькасці талентаў сталася струмянём танчэйшым і дымам ніжэйшым — за мінулае. 

І музычкай мы не выйшлі. І напісалі паменей ды паслабей.

Таму нас і не забівалі, а саджалі. І гэта ў горшым выпадку.

Бо на большасць з нас тлусты дзяржаўны кот глядзеў, пазяхаючы, праз прымружаныя вейкі: мы — бяззубыя.

Бяззубыя — не страшныя. Яны кусаюцца, але не пракусваюць.

Дзякуй богу, што «папярэдняе пакаленне» пакуль на варце. Але навіны апошніх месяцаў нагадваюць, што усё гэта часова і так ці інакш — мы застанемся адны, падпіраемыя цяперашнімі шаснаццацігадовымі.

Яны, натуральна скажуць, што усё цяпер будзе па-іншаму. Але спадзеваў на іх у мяне яшчэ меней. Хацелася б памыляцца, але іх сумнае адрозненне зяключаецца ў тым, што яны наогул не ў стане разважаць пра такія нямодныя, нехайповыя абстракцыі, як інтарэсы нацыі.

Наша пакаленне для іх — не папярэдняе. А проста атавізм, пра які можна пачытаць і ў падручніку і пакуль заўважыць у жывой прыродзе.

Мы ім не надта перашкаджаем, але мы ім нецікавыя, бо ім падаецца, што у іх атрымаецца ізалявацца і таму не варта траціць час на інструкцыі, якія не спатрэбяцца.

Ім падаецца, што Беларусь, якая ім дастанецца — гэта добрая краіна для квіз-пабаў і што калі не думаць пра палітыку, то можна паўтараць поспехі сваіх ютубных герояў, жывучы ў шабанах у інтэрвалах паміж славянскім базарам і дажынкамі.

Для іх невідавочна, што іх любімая Зыба з'явілася таму, што Наша Ніву зрабілі ў 1906, а пасля ў 1991-м. Што без тысяч «занудных змагароў» яны б жылі на ўскрайку Петразаводска.

Сфармулюю каротка: яны не хочуць зразумець, як свет працуе. Яны хочуць атрымаць актуальную інструкцыю яго выкарыстання.

Дзе націснуць кнопку і якая лямпачка павінна гарэць, каб быў поспех.

Мне падаецца, яны думаюць, што калі мы канчаткова адкапцім, мы, якія невядома навошта злуем мянтоў, носімся са сваёй беларускай мовай і гатовыя атрымліваць дубіналам за гэтыя дурацкія колеры і сімвалы на анучках, то тады і пачнецца «здаровая рабочая атмасфера», у якой кожны выкуе шчасце, якому не будзе перашкаджаць бессэнсоўны чыноўнік з зарплатай у 20 смузі.

У адрозненні ад нашага пакалення, яны не пачулі ад папярэдняга, што мы хочам зрабіць і чаму гэта рабіць трэба.

І не тое, каб мы мелі настолькі ціхі галасок. Проста ім гэта чуць не цікава.

Яны вырастаюць насельніцтвам. Магчыма, вельмі таленавітым і яркім.

Але насельніцтвам, якое не разумее, што калі яны — іншыя, то для іх ужо рыхтуецца новая, іншая, непаўторная форма прыніжэння, якую яны ў сваіх брэндавых шмотках і фірмовых акулярах - проста не перажывуць.

Іх называюць пакаленнем Z. Ну што ж. Z дык Z.

У лацінскім алфавіце яшчэ шмат літараў, задвалася б, хопіць надоўга. Але насцярожвае, што Z - самая-прысамая апошняя.

2
хамса (ваш любімы мярзотны нік)) / Адказаць
11.09.2018 / 12:03
як 35? нядаўна ж шчэ быў узрост хрыста.. дарэчы, з днём народзінаў вас.. дзейце (творите) на радасць нам)
59
Пусть еще поплачут и сопли начнут размазыать. никакой жалости, мы давно на войне. / Адказаць
11.09.2018 / 12:03
Придурки друг друга за музыку убивать хотят и этим хвастаются? Это же шизофреники. Змагары - враги инженеров. которые ничего не передадут 16-то летним. потому что элиту белорусского народа - инженеров. которые делали Беларусь республикой-донором в СССР при отсутствии полезных ископаемых, змагары вместе с властью обливали грязью и травили на уровне уже какой-то оппзиции. делая положение безвыходным на всех выборах после того. как подавляющее большинство выбрало не продавать и не приватизировать землю и собственность. что подавляющему большинству действительно нужно. Подавляющее большинство белорусов - это болтуны с лириками. а работники сельского хозяйства и промышленности. которым и нужна собственность. на которой они работают. чтобы получать прибыль от своей собственности. которой даже с бюджетниками готовы делиться. но только теми .кто приносит пользу работающим в реальном секторе экономики. а не травителям. давителям и придуркам. воюющим друг с другом. начитавшись Маркса и Ленина. которые жили в прошедших столетиях при слабом развитии промышленности . техники и не такой зависимости экономики от специалистов. которые должны создавать что-то сами новое и дельное. 
48
Leikobel / Адказаць
11.09.2018 / 12:08
Статья хорошая, но не правдивая, так как от диалогов ни сейчас, ни во времена Пазьняка не зависело у нас ничего, реально! Это они успели вскочить в автобус, выруливающий из Союза в независимую Беларусь под руководством московского водилы и почему-то приписали себе какие-то успехи! Ребята, не от вас это все зависело и не по вашей воле произошло! Займитесь делом и не тратьте зря своё время!
Паказаць усе каментары/ 39 /
Каб пакінуць каментар, калі ласка, актывуйце JavaScript у наладах свайго браўзеру