11.09.2018 / 18:55

Выклікала міграцыйную службу. Пасля сваркі з былой жонкай-случчанкай расіянін можа трапіць у турму на 3 гады 2

Расіянін прыехаў у Слуцк, каб перадаць дзецям грошы і падрамантаваць да зімы дом, у якім яны жывуць. Яго былая жонка здала мужчыну міграцыйнай службе пасля сваркі. Мужчыну пагражае 3 гады пазбаўлення волі.

Пара развялася некалькі гадоў таму. У маі гэтага года мужчыну добраахвотна выслалі з Беларусі за адміністрацыйныя парушэнні і ён паехаў да сябе на радзіму — у Расію. Уезд на тэрыторыю нашай краіны яму забаранілі на паўгода.

Мужчына трохі пажыў у Расіі і засумаваў па дзецях. Ён вырашыў вярнуцца ў Слуцкі раён, каб дапамагчы ім і матэрыяльна. Да таго ж дом, у якім яны жывуць, патрабуе рамонту.

Мужчына сцвярджае, што сумаваў па дзецях і хацеў дапамагчы. Картку аддаў былой жонцы, каб яна купляла прадукты і неабходныя рэчы. Паступова закупляў будматэрыялы для рамонту дома.

Жанчына адразу адмаўляла, што былы муж дапамагае ёй і дзецям, але пазней прызналася, што картку яна сапраўды забрала сабе. І што былы муж сапраўды займаўся рамонтам дома.

У адзін з вечароў расіянін трохі выпіў, былыя сужэнцы пасварыліся. Жанчына патэлефанавала ў міграцыйную службу і папрасіла прыехаць інспектара.

Так высветлілася, што былы муж парушыў закон. У дачыненні да яго распачалі крымінальную справу за парушэнне тэрміну забароны ўезду ў Беларусь. Па гэтым артыкуле расіяніну пагражае да 3 гадоў пазбаўлення волі.

Цяпер мужчына знаходзіцца пад арыштам у турме ў Жодзіне, дзе чакае суда.

4
З вулiцы Падгорнай / Адказаць
11.09.2018 / 20:48
Теперь папа сможет помочь детям не ранее, чем через 3 года. Каким местом женщина думала? Себя наказала, а ещё больше детей.
3
Бонч / Адказаць
11.09.2018 / 22:42
Бедная жЕньщина... Природа явно обделила...
Каб пакінуць каментар, калі ласка, актывуйце JavaScript у наладах свайго браўзеру