З журналістаў Вольгі Чайчыц і Андрэя Козела, якія супрацоўнічаюць з тэлеканалам «Белсат» знялі абмежаванне на выезд з краіны. Пра гэта Вольга напісала ў сваім фэйсбуку.
«Юрыдычных падставаў абмяжоўваць нас не было. І сёння судвыканаўца вымушана была адклікаць забарону на выезд. Суддзя дзяржынскага суда падцвердзіла, што я свабодна ў праве перамяшчэння. Дзякуй вялікі БАЖ і асабліва юрыдычнаму аддзелу, Французскай АЖ, і ўсім журналістам, якія пісалі пра гэтую недарэчную сітуацыю».
Нагадаем, журналістаў пастаянна штрафуюць за супрацоўніцтва з «Белсатам». У аўторак судовы выканаўца Яна Васюк выклікала Вольгу Чайчыц і Андрэя Козела і паведаміла ім аб абмежаванні выезду з краіны.
