Майстар спорту Расіі па плаванні Віктар Салдатаў выклікаў кіраўніка Расгвардыі Віктара Золатава на плавальную дуэль. Напярэдадні Золатаў запісаў відэазварот, у якім у адказ на расследаванне Навальнага пра закупкі прадуктаў у Расгвардыі выклікаў апазіцыянера «на дуэль».
Салдатаў сказаў, што хоча падтрымаць Навальнага, які моцны ў выкрыванні карупцыі, а Золатаў праходзіў вайсковую падрыхтоўку, таму калі ім і спаборнічаць, то на палітычных дэбатах.
«Я хачу табе паказаць, як ты будзеш выглядаць на маім фоне ў басейне. Ты будзеш выглядаць як кілька ў тамаце! Ты будзеш як селядзец пад шубай на маім фоне! Я цябе разбяру як сапраўдны кіт-забойца, як дэльфін. Пры сваіх хлопцах», — сказаў Віктар.
0
0
0
0
0
0
