13.09.2018 / 16:49

Рэха Оршы: у Баранавічах звольнены дырэктар «Бархіма»  3

Як стала вядома «Нашай Ніве», з 14 верасня Яўген Руды — шматгадовы кіраўнік «Бархіма» — больш не будзе дырэктарам прадпрыемства.

Фота http://www.nashkraj.by

Знаёмыя з сітуацыяй людзі лічаць гэта інэрцыяй скандала ў Оршы, калі Лукашэнка скопам пазбавіўся мноства неэфектыўных менеджараў.

Маўляў, пры Рудым завод таксама перыядычна буксаваў: склады заваленыя прадукцыяй, «Мара» абыходзіць «Бархім» у барацьбе за ўнутраны рынак, заробкі невялікія нават адносна Баранавічаў. 

Хто будзе новым кіраўніком пакуль невядома, «Белрэсурсы» (упраўляючая кампанія холдынга) шукае новага дырэктара, які змог бы развязаць праблемы прадпрыемства.

Таксама вядома, што пры Рудым былі спробы прыватызацыі завода, але яны абрываліся Дзяржкантролем.

Справа ў тым, што на тэрыторыі завода ўжо больш за 20 год стаяць недаробленыя будынкі, якія некалі ўзводзіліся для пашырэння вытворчасці, але з крызісам ператварыліся ў непатрэбны баласт. 

І вось, калі інвестары — сярод якіх былі нават немцы — называлі сваю цану, то Дзяржкантроль называў яе заніжанай, дадаючы суму за недабудаваныя каробкі, а гэта каля $1,7 мільёна. 

Вядома, што інвестары не хацелі пераплачваць за непатрэбнае, і ўгоды зрываліся. 

nn.by

0
мясцовы2 / Адказаць
13.09.2018 / 19:21
трэба без шмаравідлаў усякіх той дзяржкантроль таксама праоршыць
0
Алёна / Адказаць
13.09.2018 / 22:07
"Шмара" все полки магазинов загадила своей "непатрэбнасцью", а "Бархим" "КОЛОР" днём с огнём не сыщешь!
0
Верабей / Адказаць
14.09.2018 / 09:03
Ну вот, освободилось место для снятого с должности вице-премьера. Тем более, что курировал в правительстве строительство, значит всё, недостроенное за 20 лет, сразу достроит и опять в правительство.
Каб пакінуць каментар, калі ласка, актывуйце JavaScript у наладах свайго браўзеру