14.09.2018 / 06:37

Зорка «Сэксу ў вялікім горадзе» хацела стаць губернатарам штата Нью-Ёрк. Не атрымалася 5

Wikimedia Commons

Дзейны губернатар штата Нью-Ёрк Эндру Куома з вялікай перавагай апярэдзіў актрысу Сінцію Ніксан, якая грала Міранду Хобс у папулярным серыяле «Сэкс у вялікім горадзе», у барацьбе за вылучэнне ад Дэмакратычнай партыі на пасаду кіраўніка штата.

Куома ідзе на трэці тэрмін, атрымаўшы папярэдні вынік у 66% галасоў у рамках праймерыз Дэмакратычнай партыі.

Напярэдадні Куома лідзіраваў у большасці апытанняў — яго ўзровень падтрымкі складаў больш за 60%, у той час як толькі 30% дэмакратаў гатовыя былі аддаць свае галасы за Ніксан.

Актрыса рабіла акцэнт на іміграцыі, ахове здароўя і яго кошце, сістэме грамадскага транспарту і жыллёвых пытаннях. Куома факусаваўся на сваіх ранейшых дасягненнях — ён зрабіў больш жорсткім заканадаўства, якое тычыцца нашэння зброі, забараніў бурэнне новых свідравін для здабычы прыроднага газу, падняў мінімальны заробак і стаў адным з самых вядомых крытыкаў палітыкі іншага нью-ёркца — прэзідэнта Дональда Трампа — у галіне іміграцыі.

Куома выдаткаваў на выбарчую кампанію нашмат больш за Ніксан — як мінімум 25 мільёнаў даляраў.

0
Раз'юшаны сэксіст / Адказаць
14.09.2018 / 08:17
нешта пайшло не так
2
хамса / Адказаць
14.09.2018 / 09:38
>забараніў бурэнне новых свідравін для здабычы прыроднага газу,
правільна - вельмі брудная тэхналогія і эканамічна невыгадная (на датацыях)
1
Бескин / Адказаць
14.09.2018 / 09:54
Это недоработка феминисток. Теперь она тоже может как Серена Уильямс заявить, что все мужчины сексисты и против феминизма.
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру