SpaceX Ілана Маска заявіла, што выбрала чалавека, які ўпершыню ў гісторыі адправіцца ў якасці турыста ў палёт вакол Месяца на ракеце BFR (Big Falcon Rocket). Аб гэтым кампанія абвясціла на сваёй старонцы ў Twitter.
Кампанія назвала гэтую падзею важным крокам на шляху да прадастаўлення простым людзям магчымасці падарожнічаць у космасе. Хто менавіта аказаўся гэтым турыстам, SpaceX пакуль не раскрывае.
«Даведаецеся, хто паляціць і чаму, у панядзелак, 17 верасня», — паведаміла кампанія.
«Толькі 24 чалавекі за ўсю гісторыю пабывалі на Месяцы. Пасля місіі «Апалон» у 1972 годзе там больш нікога не было», — адзначаецца ў твіце.
0
0
0
0
0
0
