У артыкуле сп.С.Будкіна «Модная мова» («НН», №16) лідэрам польскае групы Big Cyc і выканаўцам беларускамоўнае вэрсіі песьні «Дыктатар» названы Кшыштаф Скіба.
У артыкуле сп.С.Будкіна «Модная мова» («НН», №16) лідэрам польскае групы Big Cyc і выканаўцам беларускамоўнае вэрсіі песьні «Дыктатар» названы Кшыштаф Скіба.
Аднак жа пры ўсёй маёй павазе да творчасьці сп.Скібы і ягонае ролі ў гурце ў «Дыктатары», як і ў бальшыні астатніх песень каманды, салюе Джэй Джэй Jacek Jedrzejak, якому й давялося інтэнсіўна засвойваць нашую мову і які ёсьць сапраўдным лідэрам групы (інфармацыя аб чым зьмешчаная на афіцыйным сайце Big Cyc’а у разьдзеле Aktualnosci). А што да іх новага, 14-га, альбому, «які мае выйсьці днямі», дык на момант выхаду згаданага нумару «НН» ён ужо зь месяц як прадаваўся ў польскіх дыскарнях, у адной зь якіх я й ашчасьлівіла сябе набыцьцём плыткі мае ўлюбёнае каманды. Дый «Дыктатар» гучыць на ёй усё-ткі не па-беларуску, а на мове Віславы Шымборскай і Тадэвуша Рыдзыка.
Лічу, што да іншаземных музыкаў, якія шчыра турбуюцца пазытыўнымі пераменамі ў нашай краіне, можна было б паставіцца й больш уважліва.
Абураная аматарка
Каментары