Удзельнік Pussy Riot і выдавец «Медыязоны» Пётр Вярзілаў аслеп, аглух і не здольны самастойна перасоўвацца. Пра гэта паведамляе Reuters.
Пасля таго, як актывіста даставілі на лячэнне ў Нямеччыну, яго стан пачаў лепшаць. «Яму лепш. Усё добра», — заявіла яго грамадзянская жонка Вераніка Нікульшына, адмовіўшыся ад падрабязнасцей.
Вярзілава вывезлі на прыватным самалёце з Расіі за кошт арганізацыі «Кіно за мір». У сеціве з'явіліся здымкі, на якіх нямецкія парамедыкі рыхтуюць актывіста да перавозкі ў бальніцу. На гэтых фотаздымках Вярзілаў ляжыць на каталцы з заплюшчанымі вачыма. Таксама з'явілася 11-секунднае відэа з Вярзілавым, які сядзеў у самалёце.
Раней адзначалася, што дактары стабілізавалі стан Вярзілава, каб яго можна было выпісаць з рэанімацыі, але ў яго ўсё яшчэ захоўваюцца галюцынацыі і вострае паліморфнае псіхатычнае расстройства.
Актывіста шпіталізавалі 11 верасня, а 15-га ён прыйшоў у сябе. Прычыны здарэння пакуль невядомыя.
Цяпер чытаюць
«Стаяць на сваім, кожны наколькі можа!» Вялікая гутарка з Наталляй Дулінай пра гопнікаў з ГУБАЗіКа, Калеснікаву і што там у каго ў калоніі10
Каментары