17.09.2018 / 15:12

Пяцёра ваверчанятаў заблыталіся хвастамі і патрапілі ў смяротную пастку. Але людзі іх выратавалі ФОТА 10

У ЗША зоаабаронцы выратавалі пяцярых ваверчанят, якія заблыталіся хвастамі ў гняздзе. Пра гэта паведамляе інфармацыйны партал Fox News.

Таварыства абароны жывёл штата Вісконсін на сваёй старонцы ў Facebook апісала аперацыю па выратаванні вавёрак. Іх заўважыў адзін з мясцовых жыхароў і выклікаў абаронцаў жывёл. «У гордзіеў вузел з іх хвастоў упляліся сцеблы і кавалкі пластыку, з якіх іх маці віла гняздо», — патлумачылі яны.

Каб разблытаць хвасты, спатрэбілася аперацыя, яе праводзілі пад агульным наркозам.

«Было немагчыма зразумець, дзе чый хвост, і мы былі вельмі занепакоеныя, таму што іх тканкі былі моцна пашкоджаны з-за таго, што туды не паступала кроў», — заўважылі зааабаронцы. Аперацыя заняла каля 20 хвілін, ветэрынары выкарыстоўвалі толькі нажніцы.

Ваверчаняты цалкам адышлі ад наркозу. Зоаабаронцы плануюць назіраць іх некалькі тыдняў, каб пераканацца, што крывацёк у іх хвастах цалкам аднавіўся. Яны падкрэсліваюць, што хвост — жыццёва важная частка цела для вавёркі: ён дапамагае трымаць раўнавагу і не змерзнуць у халоднае надвор'е.

0
Иванофф / Адказаць
17.09.2018 / 15:21
Обожаю такие статьи. Начинаешь снова верить в доброту людей. Молодцы! Дай Бог вам всего хорошего!!!
0
Dub / Адказаць
17.09.2018 / 15:58
Nu, treba z ! zablytacca chvastami ! :) A u nasych parkach ciapier nia casta vaviorku uhliedzies. Raniej za jany zauzdy na vocy trapliali, a ciapier nie. Kazuc`, sto heta praz zasillie varon. Mauliau, jny paliujuc` na vaviorak...
0
Мм / Адказаць
17.09.2018 / 16:09
Животных надо спасать они самое лучшее что осталось с нами. Спасибо вам люди!
Паказаць усе каментары/ 10 /
Каб пакінуць каментар, калі ласка, актывуйце JavaScript у наладах свайго браўзеру