18.09.2018 / 08:55

«Гульня тронаў» атрымала «Эмі» ў галоўнай катэгорыі 1

Па выніках 70-й цырымоніі ўручэння ўзнагарод «Эмі» прыз у самай прэстыжнай катэгорыі «Найлепшы драматычны серыял» дастаўся «Гульні тронаў», створанай каналам HBO. Трансляцыю вёў тэлеканал NBC.

Сёмаму сезону «Гульні тронаў» удалося апярэдзіць галоўнага канкурэнта — уладальніка прэміі за мінулы год «Аповед служанкі», які паказваецца на канале Hulu.

Найлепшым камедыйным серыялам стала гісторыя «Дзіўная місіс Мейзел» аб хатняй гаспадыні, якая жыве ў ЗША ў канцы 1950-х. Гэты серыял атрымаў адразу пяць узнагарод. Так, найлепшай актрысай была прызнана Рэйчал Броснахэн, якая сыграла ў ім галоўную ролю.

Найлепшым акцёрам прызналі Мэцью Рыза, які сыграў савецкага нелегала ў заключным сезоне серыяла «Амерыканцы», які паказваўся на канале FX.

Праграма Saturday Night Live атрымала ўзнагароду «Эмі» 72-ы раз, што з'яўляецца рэкордам для гэтай узнагароды.

Прыз за кароткі серыял атрымала «Забойства Джані Версачэ». Узнагароду атрымаў і Дэрыл Крыз, які сыграў забойцу італьянскага дызайнера.

Узнагарода «Эмі» ўручаецца ад 1949 году Амерыканскай тэлевізійнай акадэміяй.

0
:) / Адказаць
18.09.2018 / 13:25
Белорусы больше 5 серий не смотрят. утомляет следить за бесконечными поворотами сюжета одних и тех же киношных героев. После Санта Барбары думали. что всех жителей Санта Барбары знают. а оказалось что ошиблись. кинематографисты какой-то свой Санта Барбара выдумали. 
Каб пакінуць каментар, калі ласка, актывуйце JavaScript у наладах свайго браўзеру