Расійскі самалёт ІЛ-20 быў збіты 17 верасня над сірыйскай правінцыяй Латакія. Адбылося гэта ў выніку сірыйскай атакі. Усе пятнаццаць чалавек, які знаходзіліся на борце самалёта, загінулі.

Штурманам самалёта быў 33-гадовы Аляксандр Вячэрнін. Нам ён цікавы тым, што з’яўляецца ўраджэнцам Беларусі. 21 сакавіка 1985 года ён нарадзіўся ў мястэчку Балбасава ў Аршанскім раёне.
Да 1996 года Балбасава мела статус вайсковага гарадка, там знаходзілася авіяцыйная база, а таксама было сховішча ядзернай зброі.

Бацька ў Аляксандра Вячэрніна быў афіцэрам. Па развале СССР сям’я з’ехала ў Расію. Жыў у Лясным Свярдлоўскай вобласці, там вучыўся ў школе. Пасля паступіў у Чалябінскае авіяцыйнае вучылішча штурманаў.
Служыў у Падмаскоўі. Там у яго засталася жонка Марыя, а таксама малое дзіця.
Цяпер чытаюць
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі

«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце

Каментары