19.09.2018 / 16:23

Міліцыя абвяргае чуткі пра банду педафілаў у Віцебску, якая заваблівае дзяцей з дапамогай кацянятаў

Міліцыя абвергла чуткі пра банду педафілаў у Віцебску, паведаміў БЕЛТА афіцыйны прадстаўнік УУС Віцебскага аблвыканкама Віталь Сапроненка.

Апошнім часам у сацыяльных сетках, а часцей у бацькоўскіх чатах распаўсюджваюцца чуткі пра педафілаў, якія завабліваюць дзяцей з дапамогай кацянят. Такія здагадкі з'яўляюцца ў сацсетках па некалькі разоў на год, і штораз у паведамленнях спасылаюцца на папярэджанні з боку МУС.

«Гісторыя з выдуманымі педафіламі і кацянятамі паўтараецца з зайздроснай рэгулярнасцю ўжо на працягу гадоў дзесяці.

Тэкст паведамлення практычна не змяняецца, толькі фатаграфіі на ўлётцы бываюць рознымі — дзесьці дарослыя барадатыя мужчыны, у іншым выпадку маладыя людзі гадоў 20», - растлумачыў Віталь Сапроненка.

Ён падкрэсліў, што ўся гэтая інфармацыя з'яўляецца не больш чым выдумкай. Тым не менш, гэта падстава для дадатковай прафілактычнай гутаркі бацькоў з дзецьмі на тэму асабістай бяспекі.

У 2017 годзе ў Віцебску хадзілі чуткі пра людзей, якія спрабуюць злавіць дзяцей і пачаставаць іх цукеркамі з наркотыкамі.

1
Электробус / Адказаць
19.09.2018 / 16:50
гэбэшные/фсбшные вбросы, призванные устроить движуху, посеять смуту и отвлечь от реальных проблем. полезные идиоты очень помогают в распространении слухов и перепостов (всякие домохозяйки с одноклассникаи головного мозга и офисный планктон). Пришло из россии. Меньше читайте ихние сайты, и будете здоровы, Беларусы!
Каб пакінуць каментар, калі ласка, актывуйце JavaScript у наладах свайго браўзеру