У фэйсбуку палітык Андрэй Дзмітрыеў апублікаваў адказ дырэктаркі БелТА Ірыны Акуловіч на петыцыю аб спыненні пераследу незалежных СМІ.

У адказе паведамляецца, што БелТА не мае падстаў, каб адклікаць заяву са Следчага камітэту для спынення крымінальнага пераследу асоб, якія «неправамерна атрымалі доступ» да платных матэрыялаў дзяржаўнага агенцтва.

Нагадаем, што аўтар петыцыі Дзмітрыеў прасіў кіраўніцтва БелТА адклікаць заяву са Следчага камітэта і вырашыць пытанне шляхам перамоў з рэдакцыямі.