20.09.2018 / 10:26

Раскапалі магілу, намалявалі палавы орган каля храма. У Клімавічах затрымалі хлопца і дзвюх дзяўчат 25

Крымінальныя справы за хуліганства і апаганьванне магілы распачалі ў Клімавічах у дачыненні да трох падлеткаў — хлопца і дзвюх дзяўчат. Яны раскапалі магілу і пакінулі непрыстойныя надпісы і малюнкі каля храма, піша «Родная ніва».

Апаганьванне магіл адбылося яшчэ ў сярэдзіне лета. Непрыстойныя надпісы і малюнкі з'явіліся на арцы ля царквы і будынка нядзельнай школы ў канцы жніўня. А ў пачатку верасня міліцыя высветліла асобы падазраваных — яны цяпер у СІЗА.

Паводле інфармацыі міліцыі, Аляксандр (імёны падазраваных тут і далей зменены) стаў лічыць сябе апатэістам, г.зн. абыякава ставіўся да існавання або неіснавання Бога. Разам са знаёмымі Вольгай і Наталляй яны намалявалі на арцы каля царквы мужчынскі палавы орган і падпісалі малюнак словам з трох літар. А на сцяне нядзельнай школы падлеткі пакінулі надпіс на англійскай мове, які ў перакладзе на беларускую азначае «Няхай жыве сатана». Побач намалявалі пяціканцовую зорку.

Высветлілася, што да гэтага выпадку дзве сяброўкі на могілках апаганілі магілу. Ім «было цікава паглядзець, што ў зямлі адбываецца з трупам». Выбраўшы старую магільную пліту і скарыстаўшыся металічнай таблічкай з датамі жыцця і смерці аднаго з нябожчыкаў, дзяўчаты сталі выкопваць яму. Задуманае так да канца яны і не давялі — вырашылі працягнуць на наступны дзень, але так і не вярнуліся на месца злачынства.

Клімаўчанам пагражаюць турэмныя тэрміны да 3 гадоў — кожнаму.

3
Специалист / Адказаць
20.09.2018 / 10:34
Олигофрены.
3
Вася / Адказаць
20.09.2018 / 10:45
А сколько таких наделали по пьяни? Ужас и никто не смотрит.
3
Охтас / Адказаць
20.09.2018 / 10:57
Известный пример с идиотами, что зарезали ягненка у входа в Освенцим и скакали полностью голые, вероятно, оказался для них ярким образом. Глупость всегда ходит парой.Так что Беляцкий младший (это он зарезал тогда ножом ягненка) может гордится - не только он баран.
Паказаць усе каментары/ 25 /
Каб пакінуць каментар, калі ласка, актывуйце JavaScript у наладах свайго браўзеру