23.09.2018 / 15:19

Пасля ператрусу ў гарадзенскага актывіста Анатоля Мышкевіча канфіскавалі планшэт 1

У гарадзенскага грамадскага актывіста, кіраўніка грамадскай ініцыятывы «Гародня» Анатоля Мышкевіча дома 22 верасня адбыўся ператрус. Міліцыянты прыйшлі да палітыка дахаты, калі яго не было дома.

Фота: facebook.com.

— Калі я прыехаў дадому, вобшук ужо заканчваўся. Канфіскавалі планшэт. Панятыя распісаліся. Паглядзеў пастанаўленне на вобшук. Копіі мне не далі. Не далі і магчымасці сфатаграфаваць. У пастанаўленні было напісана, што ператрус праводзіцца ў сувязі з тым, што 16 верасня у горадзе на Савецкай вуліцы быў размешчаны плакат, на якім былі здымкі зніклых беларускіх палітыкаў. І што я раздаваў людзям улёткі, — кажа Мышкевіч.

Ён не падпісаваў ніякіх папераў і будзе чакаць рашэння суда:

— Даваць паказанні я адмовіўся. Буду чакаць рашэння суда.

0
Тетя Роза / Адказаць
23.09.2018 / 16:46
Вось яна сапраудная беларуская фямида!!! Забрать, конфисковать, протокол не дать... короче всё согласно "закона".
Каб пакінуць каментар, калі ласка, актывуйце JavaScript у наладах свайго браўзеру