24.09.2018 / 00:32

Каля Драздоў мужчына кідаўся з нажом на міліцыянтаў, давялося страляць у паветра 7

22 верасня аўтапатруль АМАП ГУУС Мінгарвыканкама нёс службу па ахове грамадскага парадку ў раёне вадасховішча «Дразды». Як паведамляе сайт сталічнай міліцыі, у 12:20 каля дамбы яны заўважылі мужчыну, паводзіны якога было неадэкватнымі і агрэсіўнымі: ён крычаў, махаў рукамі, нецэнзурна лаяўся.

Пабачыўшы міліцыянтаў, ён пачаў уцякаць. Супрацоўнікі рушылі ўслед за ім. Праз некалькі метраў мужчына спыніўся, дастаў з кішэні нож і накіраваўся ў бок міліцыянтаў. Патрабаванні спыніць супрацьпраўныя дзеянні ён ігнараваў і працягваў размахваць нажом.

Тады адзін з супрацоўнікаў вырабіў папераджальны стрэл у паветра, пасля чаго мужчына кінуў нож на зямлю і спыніўся. Ён быў затрыманы і дастаўлены ў Цэнтральны РУУС.

Затрыманы мужчына 1981 г.н., нідзе не працуе, раней прыцягваўся да крымінальнай адказнасці за маёмасныя злачынствы і незаконны абарот наркотыкаў. У Цэнтральным РУУС па гэтым факце праводзіцца праверка.

1
ЯНКА / Адказаць
24.09.2018 / 01:02
💁 «У раёне вадасховішча «Дразды» ... яны заўважылі мужчыну, паводзіны якога было неадэкватнымі і агрэсіўнымі: ён крычаў, махаў рукамі, нецэнзурна лаяўся.» ⚡ Вось што робяць зь людзямі Дразды! Ня верыце, дык зазірніце на ейных насельнікаў праз зомбаскрыню. 📺
3
Нераблуки / Адказаць
24.09.2018 / 01:16
Пачалось?
1
Шлимазл / Адказаць
24.09.2018 / 07:02
Усы были у мужчины?
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру