25.09.2018 / 15:37

Ганна Канапацкая распавяла пра свае прэзідэнцкія амбіцыі 31

Фота Сяргея Гудзіліна

Дэпутатка Палаты прадстаўнікоў Ганна Канапацкая 25 верасня адказала на пытанне карэспандэнта Свабоды пра магчымы яе ўдзел у наступных прэзыдэнцкіх выбарах у Беларусі.

«Я, калі толькі пачынала сваю палітычную кар’еру, выбрала для сябе добра вядомы дэвіз: «Кепскі той салдат, які ня марыць стаць генэралам». А што такое «генэрал» у беларускіх палітычных рэаліях? Зразумела, гэта прэзыдэнт», — адказала Ганна Канапацкая.

«Аднак сёньня пакуль я не магу адназначна і дакладна заявіць аб сваім удзеле ў прэзыдэнцкай кампаніі», — дадала дэпутатка.

Што бянтэжыць Канапацкую?

Ганна Канапацкая кажа, што галоўная рэч, якая пакуль стрымлівае яе ад абвяшчэньня старту сваёй выбарчай кампаніі — гэта няўпэўненасьць, што яна здолее сабраць 100 тысяч подпісаў выбарнікаў у сваю падтрымку.

«Дэпутат Палаты прадстаўнікоў ня мае ніякіх прывілеяў у параўнаньні зь іншымі ўдзельнікамі прэзыдэнцкай кампаніі. Мне таксама трэба будзе сабраць 100 тысяч подпісаў. І тут узьнікае пытаньне: хто мне ў гэтым дапаможа? Фармальна я сябра Аб’яднанай грамадзянскай партыі. Але ніякай упэўненасьці, што партыя мне дапаможа, у мяне няма. І нават калі б уся партыя раптам падтрымала маю кандыдатуру, гэта становішча прынцыпова не мяняе.

Я добра памятаю апошнія прэзыдэнцкія выбары, калі зьбіралі галасы за лідэра АГП Анатоля Лябедзьку. Вынік той кампаніі вядомы — усе разам сабралі толькі каля паловы неабходных подпісаў», — патлумачыла Ганна Канапацкая.

10
'генеральскі казёл' і дзіцячае даміно / Адказаць
25.09.2018 / 16:10
знайшоўся генерал.. не можа сабраць войска з пары чалавек, каб сабраць войска з 100 тысяч.. але хоча стаць генералам
5
хамса / Адказаць
25.09.2018 / 16:13
а чаму б не звярнуцца да бээрсээмаўцаў - ім няма чым заняцца.. няўжо не дапамаглі б?
4
хамса / Адказаць
25.09.2018 / 16:15
>Фармальна я сябра Аб’яднанай грамадзянскай партыі
а нефармальна сябра Лукашэнкі напэўна - да адной жа яе падыйшоў пасля выступу ў парламенце
Паказаць усе каментары/ 31 /
Каб пакінуць каментар, калі ласка, актывуйце JavaScript у наладах свайго браўзеру