26.09.2018 / 13:31

БТ запускае сваё вячэрняе шоу «пад Урганта» 36

29 верасня ў 20.00 ў эфіры тэлеканала Беларусь-1 пакажуць першы выпуск новага вячэрняга шоу пад назвай «Макаёнка, 9» (у гонар адраса Белтэлерадыёкампаніі). Рыхтаваліся да яго прэм'еры год, весці шоу будзе Яўген Перлін.

Яўген Перлін на студыі.

У інстаграме Белтэлерадыёкампаніі паведамляюць, што гэта будзе першая беларуская праграма, якая будзе сумяшчаць у сабе інфармацыйныя жанры і класічнае вечаровае шоу.

У якасці фішкі абяцаюць з'яўленне вядучага на здымачнай пляцоўцы на прыватным верталёце і незвычайных гасцей: «зорак першай велічыні».

Шоу прыйдзецца канкурыраваць з раскручаным цяпер у Беларусі расійскім аналагам «Вячэрні Ургант». Але ці зможа Перлін, як і Ургант, жартаваць не толькі над спевакамі і блогерамі, але і над палітыкамі аж да цэнтральнага кіраўніцтва, у тым ліку запрашаць іх у студыю, застаецца пытаннем. Высветлім пра ступень цэнзуры ўжо ў гэтую суботу.

Распытаць падрабязнасці з першых вуснах сапрадзюсера і вядучага Яўгена Перліна, на жаль, не атрымалася: ён адмовіўся ад каментароў.

nn.by

1
Літвін / Адказаць
26.09.2018 / 13:37
Русские копируют на Западе, бтшники копируют у русских. Впрочем, ничего нового. 

Лукашисты ничего своего не могут создать, а только подбирают за старшим братом.
0
Niemand / Адказаць
26.09.2018 / 13:38
З водарам ванітаў.
1
Генэрал Голад / Адказаць
26.09.2018 / 13:39
У іх - Ургант, у нас - Перлін. ;-) На гэтым падабенства скончылася. 
Паказаць усе каментары/ 36 /
Каб пакінуць каментар, калі ласка, актывуйце JavaScript у наладах свайго браўзеру