Wikimedia Commons
Грамадзянка ЗША Кэтрын Маёрга абвінаваціла ў згвалтаванні футбаліста Крышціяну Раналду і падала на яго ў суд. Пра гэта паведамляе часопіс Der Spiegel. Паводле яе слоў, інцыдэнт адбыўся падчас адпачынку футбаліста ў Лас-Вэгасе ў чэрвені 2009 года.
Der Spiegel вясной 2017 года напісаў, што Раналду яшчэ ў 2010 годзе заплаціў $ 375 тыс. дзяўчыне, што абвінаваціла яго ў згвалтаванні. Паміж дзяўчынай, якая была названая Сьюзен К. (імя было зменена), і футбалістам было заключана пагадненне аб пазасудовым урэгуляванні канфлікту і невыдаванні, над якім працавалі прынамсі дзевяць юрыстаў. Раналду паведамленне нямецкага часопіса тады абвергнуў.
Цяпер адвакаты амерыканкі аспрэчваюць дамову аб невыдаванні ў судзе Невады. На гэты раз, як піша выданне, Роналду таксама адмаўляе абвінавачванні. Паводле яго слоў, у яго быў сэкс з Маёргай, але па ўзаемнай згодзе.
