01.10.2018 / 14:46

Піва са смакам піцы і баршчу: у Мінску прайшоў крафтавы фэст 8

У мінулую суботу ў культурнай прасторы ОК16 на вуліцы Кастрычніцкай прайшоў чацвёрты Мінскі крафтавы фэст. Некалькі дзясяткаў бровараў з Беларусі, Расіі, Літвы, Польшчы, Даніі прэзентавалі на мерапрыемстве свае гатункі піва.

Крафтавая рэвалюцыя ў піве прыйшла ў Беларусь каля трох гадоў таму. Да гэтага буйныя заводы варылі стандартныя лагеры, а на большыя эксперыменты не адважваліся. У гэты час у нашай краіне пачынаюць узнікаць малыя піваварні. Многія з іх нават не маюць уласных магутнасцяў для варкі, а карыстаюцца па кантракце чужой тэхнікай.

Тады і пачулі, што існуюць такія стылі, як ІПА, стаўт, кіслякі, дубелі і многія іншыя. І піва можа быць цікавым і смачным. На сёння ў Мінску існуе больш за дзясятак такіх бровараў. Праз іх наваттакія гіганты вытворчасці, як «Лідскае піва» і «Крыніца», вымушаныя змяшчаць у сваю лінейку крафтавыя гатункі.

Адзін такі малы бровар, які мае назву Midnight Project, нядаўна ўвайшоў у топ-50 найлепшых піваварняў свету. На той момант там былі толькі вытворцы піва з ЗША і Бельгіі. Рэйтынг аб’ектыўны, ён складаецца на аснове адзнак у піўной сацыяльнай сетцы untappd. Адзнакі ставяць звычайныя спажыўцы.

Поспех Midnight Project паказвае, як можна рабіць невялікімі ўкладаннямі вельмі класныя рэчы. На фэсце да «міднайтаў» была самая доўгая чарга, а іх піва аказалася ў самых топах. На фэсце яны прэзентавалі трайны ІПА (піва з павышанай хмелевай горыччу і градусам), кісляк з парэчкай і клубніцамі, сідр з персікамі і ажынамі, экстрэмальна моцны імперскі стаўт.

На крафтавых фэстах у пачатку ты мяняеш грошы на «біркоіны», а ўжо імі распалчваешся. Можаш папрасіць наліць поўны келіх на вызначаную суму, а можна хоць на 1 (роўны рублю) біркоін дамовіцца, каб пакаштаваць найбольшую колькасць гатункаў.

Шмат хто прывозіў ну ўжо зусім шалёныя гатункі. З Расіі прывезлі нямецкі стыль гозэ (гэта кіслае і салёнае піва) са смакам піцы. Такога эфекту можна дасягнуць за кошт спецый, які традыцыйна дадаюць у піва. Іншы бровар прэзентаваў сэзан (традыцыйнае бельгійскае фермерскае піва) са смакам баршчу. Туды дадавалі бурак, памідоры, лаўровы ліст, соль і часнок. А можна было яшчэ пакаштаваць крывавую мэры з вельмі вострым перцам.

І такія бровары ламаюць традыцыйны погляд на піва як на напой, які не здольны здзівіць. Відаць, няма такіх інгрэдыентаў, якія нельга дадаць у піва. Нарвежцы і ісландцы, напрыклад, варылі піва нават з галовамі бараноў і авечак. Гэтае крафтавае шаленства толькі пачынае даходзіць да Беларусі.

Апроч «Міднайта», варта звярнуць увагі на наступныя бровары: Jungle Brewery, Blood Brothers, 13 Litar, Valaduta, Mad Frog. Цяпер крафтавае піва вараць ужо не толькі ў Мінску. На фэсце былі людзі з Віцебска, Брэста, Гомеля, Салігорска.

Крафтавы фэсты — гэта не пра тое, як напіцца, а якраз пра культуру спажывання і пашырэнне межаў свайго ўяўлення.

Зміцер Панкавец

19
Magnum / Адказаць
01.10.2018 / 21:36
Белорусы на 90% православные, 8% католиков, 2% остальных, таким образом Кирил является патриархом большей части белорусского народа
2
Аляксандр comrade / Адказаць
02.10.2018 / 15:31
15 рублей за вход на фест, который представляет собой разбросанные поддоны на помойке. И пиво по цене от 6 рубликов за стаканчик....
Я вдоволь напробовался этих IPA-АPА, кисляков-компотов и прочих пивных извращений. Сначала интересно, а потом надоедает. И начинаешь понимать, что лучше чистого вкуса настоящего пилса нет ничего. А сварить нечто подобное на чешский Pilsner Urquell у нас не могут ни крупные заводы, ни хваленые мини-пивоварни из вышеперечисленных. Так что эти компоты есть не более чем развод хипстоты с айфонами на деньги.
Я, конечно, не отрицаю право т.н. крафтового пива на существование. Но за эти деньги и в таких условиях как на фото - это адский треш. Люди, себя же уважать надо!!!  
0
Православный / Адказаць
02.10.2018 / 21:54
Magnum, гундяев патриарх торговцев сигаретами и водкой, к нам он не имеет никакого отношения.
Паказаць усе каментары/ 8 /
Каб пакінуць каментар, калі ласка, актывуйце JavaScript у наладах свайго браўзеру