Нацбанк разлічвае ўтрымаць у гэтым годзе інфляцыю ў межах прагнозу - 5,5-6%. Пра гэта заявіў намеснік старшыні праўлення Нацбанка Дзмітрый Лапко.
Нягледзячы на высокую нявызначанасць на знешніх рынках і ўнутраныя уразлівасці, Нацбанк разлічвае ўтрымаць у гэтым годзе інфляцыю ў межах прагнозу - 5,5-6%.
«Шмат нявызначанасці, мы будзем сачыць за сітуацыяй», — адзначыў Лапко, адказваючы на пытанне пра перспектывы зніжэння стаўкі рэфінансавання.
У Беларусі стаўка застаецца на рэкордна нізкім узроўні, 10%. Пры гэтым Цэнтрабанк Расіі нядаўна вымушаны быў павысіць стаўку.
«У рамках павышаных геапалітычных рызык казаць пра тое, якія мы будзем прадпрымаць дзеянні, рана», - дадаў Лапко.
0
0
0
0
0
0
