Прэзідэнт Польшчы Анджэй Дуда заявіў, што рашэнне пра размяшчэнне амерыканскай вайсковай базы ў краіне ўжо прынятае. Пра гэта ён сказаў у эфіры тэлеканала Polsat News.
«Тыя, хто ведаюць амерыканскую ўнутраную палітыку, кажуць: калі вядуцца настолькі прадметныя размовы і Белы дом вельмі сур'ёзна цікавіцца гэтай тэмай, гэта значыць, што, насамрэч, рашэнне ўжо прынятае, застаюцца толькі тэхнічныя пытанні», — падкрэсліў Дуда.
Дуда адзначыў, што інфраструктура базы будзе стварацца на працягу года.
Ён заўважыў, што будаўніцтва ў краіне амерыканскай базы падвысіць бяспеку і будзе з'яўляцца стрымліваючым фактарам для Расіі.
«Я не памятаю, каб Расія калі-небудзь адважвалася нападаць на краіну, дзе прысутнічае амерыканская армія», — заявіў прэзідэнт.
У той жа час, ён дадаў, што гэта не вызваляе Польшчу ад адказнасці за ўзмацненне ўласнай арміі.
Каментары