avtomir.by
Дзяржпошліну на допуск да дарожнага руху не будуць уключаць у кошт паліва. Пра гэта распавёў 5 кастрычніка ў Палаце прадстаўнікоў прэм'ер-міністр Беларусі Сяргей Румас.
Асноўным рашэннем пытання ўрад бачыць адвязванне выплаты пошліны ад праходжання тэхагляду.
«Права на доступ да дарожнага руху кіроўцы будуць аплачваць у АРІП — на тэрмін ад 1 месяца. То бок, будзе адноўлена справядлівасць у дачыненні да тых асоб, хто выкарыстоўвае аўтамабіль не круглы год. Самае складанае тут — сістэма кантролю, якая дазволіць выяўляць тых, хто збор не заплацiў», - расказаў прэм'ер-міністр.
Па словах Румаса, вырашыць пытанне з неплацельшчыкамі пошліны на допуск да дарожнага руху дапаможа параўнанне базы АРІП з базамі фотафіксацыі і праходжання тэхагляду.
«І тады хто не заплаціў за допуск да руху — будзе плаціць у падвойным памеры», — дадаў Румас.
Прэм'ер-міністр Беларусі паведаміў, што новая схема, па папярэдніх звестках, запрацуе з 1 ліпеня 2019 года.
Короче, ничего не меняется.