05.10.2018 / 15:06

Білетныя пакеты на матчы БАТЭ з «Чэлсі» і «Відзі» паступяць у продаж 9 кастрычніка

У аўторак, 9 кастрычніка, стартуе продаж білетных пакетаў на пакінутыя хатнія паядынкі БАТЭ ў групавым раўндзе Лігі Еўропы з англійскім «Чэлсі» (8 лістапада) і венгерскім «Відзі» (29 лістапада), паведамляе сайт барысаўскага клуба.

Гэтыя білетныя пакеты можна набыць на самім стадыёне і ў мінскім офісе кампаніі Ticketpro (вул. Машэрава, 25, хол 1-га паверха), а іх кошт складзе:

вышэйшая катэгорыя - 140 рублёў (110 на «Чэлсі» + 30 на «Відзі»);

1-я - 115 рублёў (90 + 25);

2-я - 85 рублёў (65 + 20);

3я - 65 рублёў (50 + 15).

Рэалізацыя адзіночных квіткоў на матч БАТЭ з «Чэлсі» будзе ажыццяўляцца не пазней, чым за тры дні да даты правядзення гэтага супрацьстаяння.

Каб пакінуць каментар, калі ласка, актывуйце JavaScript у наладах свайго браўзеру