06.10.2018 / 20:16

Кітаю накіраваны афіцыйны запыт аб зніклым у краіне прэзідэнце Інтэрпола 5

Інтэрпол накіраваў уладам Кітая афіцыйны запыт з просьбай даць інфармацыю аб статусе прэзідэнта арганізацыі Мэна Хунвэя, паведамляецца на старонцы Інтэрпола ў Twitter.

«Інтэрпол праз афіцыйныя каналы праваахоўных органаў накіраваў запыт ўладам Кітая, каб атрымаць тлумачэнні аб статусе прэзідэнта Інтэрпола Мэна Хунвэя», — заявіў генеральны сакратар арганізацыі Юрген Сток, чые словы прыводзяцца ў заяве.

Ён падкрэсліў, што генеральны сакратарыят чакае ад Пекіна адказу і непакоіцца аб стане прэзідэнта Інтэрпола.

Кіраўнік Інтэрпола ў канцы верасня адправіўся ў Кітай, каб правесці там адпачынак, але не вярнуўся. Яго жонка падала ў паліцыю Францыі заяву аб яго знікненні.

Як піша РБК са спасылкай на газету South China Morning Post, кітайскія праваахоўнікі затрымалі кіраўніка Інтэрпола адразу пасля таго, як яго самалёт прызямліўся ў Кітаі. Газета адзначае, што пра прычыны затрымання Хунвэя невядома.

Хунвэя абралі прэзідэнтам Інтэрпола ў лістападзе 2016 года. Ён таксама з'яўляецца намеснікам міністра грамадскай бяспекі КНР. У розныя гады ён працаваў дырэктарам аддзела патрульнай паліцыі, кіраўніком дэпартамента кіравання дарожным рухам, намеснікам старшыні Нацыянальнай камісіі па кантролі над наркотыкамі, кіраўніком Нацыянальнага контртэрарыстычнага кіравання і генеральным дырэктарам берагавой аховы Кітая.

3
Захарова Татьяна Викторовна (Брест ) / Адказаць
06.10.2018 / 20:26
Китай  - не Россия !!!  Найдётся .
2
Battle with Glenlivet / Адказаць
06.10.2018 / 21:50
Затрымалi, значыць гэтак трэба. Кітай рыхтуецца да валадарства ва Ўсходнім паўшар’і. Аўстралія і цэнтральная Азія ўжо скуплена, зараз скупаюць Афрыку і пачалі Ўсходнюю Еўропу (Польшчу, Венгрыю, Славакію). Беларусі... Беларусь не ў Еўропе, таму не вельмі цікавая. Пару правінцыйных распільных пражэктаў. У Эфіопію, Руанду ці Замбію Кітай інвестыруе значна болей.
0
Battle with Glenlivet / Адказаць
07.10.2018 / 10:25
Калі сур’ёзна, крыху працверазеўшы, успамінаецца гісторыя кампаніі HNA. Яна перашла пад кантроль уладаў КНР, а кіраўніка чакала турма і канфіскацыя маёмасці за адмыванне грошай. Але Інтэрпол не спяшаўся яго выдаваць. Прэзідэнт кампаніі загадкава памёр у Францыі, разам з ім мабыць памерлі сведчанні аб тым, чые грошы і як ён выводзіў з Кітая, а яго замежныя актывы засталіся ў яго сям’і. За гэта бачна пана паліцмейстара ўзялі. Праз месяц з’явіцца як актрыса Фань Бінбін, скажа, што быў у санаторыі, дзякуй партыі і ўпаду за ўсё. І будзе надалей рабіць усё «правільна». Тое, што беглыя уйгуры ў Кіргізіі распавядаюць ББС аб тым, што робяць з імі, гэта толькі вяршыня айсбергу таго, што на самой справе адбываецца ў Кітаі. Там ідзе каб вам даць добрую аналогію - «мяккая» (пакуль яшчэ) культурная рэвалюцыя. Сталінізм лайт дзіджытал з блакчэйнам.
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру